KRISTOFO ABRABƆ

Fa Nnwinnade Titiriw a Yɛde Kyerɛkyerɛ No Yɛ Adwuma Yiye

Onua bi de Bible ne nhomawa redi ɔbarima bi adanse

Sɛ woreboa obi ama wabɛyɛ osuani a, ɛte sɛ nea woresi dan. Sɛ yebetumi asi dan no yiye a, ɛsɛ sɛ yesua sɛ yɛde nnwinnade a yɛwɔ no bedi dwuma yiye. Onyankopɔn Asɛm no ne yɛn adwinnade titiriw, enti ɛno pa ara na ɛsɛ sɛ yesua sɛ yɛde bedi dwuma yiye. (2Ti 2:15) Afei nso, ɛsɛ sɛ yɛde nhoma a aka ne video ahorow a ɛwɔ Nnwinnade Titiriw a Yɛde Kyerɛkyerɛa no mu di dwuma yiye. Atirimpɔw a ɛsɛ sɛ yɛde yɛ saa ne sɛ yɛbɛyɛ asuafo.b

Wobɛyɛ dɛn de Nnwinnade Titiriw a Yɛde Kyerɛkyerɛ no adi dwuma yiye? (1) Ma w’asɛnka kuw sohwɛfo mmoa wo, (2) wo ne ɔdawurubɔfo a ne ho akokwaw anaa ɔkwampaefo bi nyɛ adwuma, afei (3) fa yɛ adwuma mpɛn pii. Sɛ wode nhoma ne video ahorow yɛ adwuma na nkakrankakra wo ho kokwaw a, w’ani begye wɔ honhom fam adansi adwuma a ɛrekɔ so nnɛ no mu.

NSƐMMA NHOMA

NHOMAWA

NHOMA

NKRATAWA

So ɛyɛ ampa sɛ awufo bɛsan atena ase bio?

Ɛhe na yebenya nsɛmmisa a ɛho hia paa no ho mmuae?

VIDEO

NSATO KRATAA

Krataa a Yɛde To Nsa Frɛ Nkurɔfo Ba Asafo Nhyiam

WƐBSAET KAAD

a Ɛno ara ne “Nneɛma a Yɛde Kyerɛkyerɛ” a January 2018 Adesua Nhoma no kaa ho asɛm no.

b Nhoma a ɛwɔ Nnwinnade Titiriw a Yɛde Kyerɛkyerɛ no mu no, kakraa bi wɔ hɔ a wɔhyɛɛ da yɛ maa nnipa pɔtee bi. Mmere a ɛfata mu no yebetumi de adi dwuma.