Nnwuma Pa a Yehowa Werɛ Remfi Da

Yɛn nyinaa betumi ayɛ nneɛma bi wɔ Yehowa som mu a ne werɛ remfi da. Sɛnea awofo a wɔdɔ wɔn mma werɛ mfi nnwuma pa a wɔn mma yɛ no, saa ara na Yehowa nso werɛ remfi adwuma a yɛyɛ ne ɔdɔ a yɛda no adi wɔ ne din ho no. (Mt 6:20; Heb 6:10) Ɛwom, ɛsono obiara tebea ne nea obetumi ayɛ, nanso sɛ yɛyɛ nea yebetumi biara wɔ Yehowa som mu a, yɛn ani betumi agye. (Ga 6:4; Kol 3:23) Mfe pii a abɛsen kɔ no, anuanom bebree anya hokwan akɔsom wɔ Betel. Wo nso, wubetumi atu wo ho ama akɔboa wɔ Betel anaa? Sɛ worentumi a, wubetumi ahyɛ obi nkuran ama wayɛ saa? Anaa wubetumi aboa obi a ɔyɛ adwuma wɔ Betel ama wakɔ so asom anaa?

HWƐ VIDEO A YƐATO DIN TU WO HO MA KƆYƐ ADWUMA WƆ BETEL NO. WUWIE A, BUA NSƐMMISA A EDIDI SO YI:

• Dɛn na ɛsɛ sɛ ɛkã obi ma onya ɔpɛ sɛ ɔbɛsom wɔ Betel?

• Anuanom a wɔresom wɔ Betel no, nsɛm bɛn na wɔn mu bi aka a ɛkyerɛ sɛ wɔanya nhyira?

• Sɛ obi pɛ sɛ ɔkɔsom wɔ Betel a, ahwehwɛde ahorow bɛn na ɛsɛ sɛ odu ho?

• Sɛ obi pɛ sɛ ɔkɔyɛ adwuma wɔ Betel a, akwammisa krataa bɛn na ɛsɛ sɛ ɔhyehyɛ?