Yehowa Dɔ Nnipa a Wɔn Ho Tew

“Hohoro wo nsa. Siesie wo dan mu. Prapra fie no mu. Kɔtow bɔɔla no gu.” Awofo pii kyerɛkyerɛ wɔn mma sɛnea wobedi wɔn ho ni. Nanso yɛbɛka paa a, ahotew ho ade a awofo de kyerɛkyerɛ wɔn mma no fi Onyankopɔn hɔ. (Ex 30:18-20; De 23:14; 2Ko 7:1) Sɛ yedi yɛn nipadua ni na yɛma nneɛma a yɛwɔ no ho tew a, ɛhyɛ Yehowa anuonyam. (1Pe 1:14-16) Na yɛn afie ne yɛn mpɔtam nso ɛ? Kristofo de, wɔyɛ nea wobetumi biara di asaase no ni; wɔntotow nwura ngu basabasa sɛnea ɛyɛ a ebinom yɛ no. (Dw 115:16; Adi 11:18) Nneɛma bi wɔ hɔ a, ebia yebebu no sɛ ɛnyɛ hwee, nanso ebetumi akyerɛ sɛ yɛn ho tew anaa yɛn ho ntew. Bisa wo ho sɛ, ‘Ɛyɛ a, metotow tɔfe hono, ntonturowa, ne rɔba gugu basabasa anaa? Sɛ mewe kyingam wie a, ɛhe na mede to? Biribiara a yɛyɛ wɔ yɛn asetena mu no, yɛpɛ sɛ ‘yɛda yɛn ho adi sɛ yɛyɛ Onyankopɔn asomfo.’​—2Ko 6:3, 4.

HWƐ VIDEO A YƐATO DIN ONYANKOPƆN DƆ NNIPA A WƆN HO TEW NO. WUWIE A, BUA NSƐMMISA A EDIDI SO YI:

• Wɔn a wonni wɔn nneɛma ni no, nsɛm bɛn na wɔka de yi wɔn ho ano?

• Sɛn na Mose Mmara no boa yɛn ma yehu sɛ ahotew ho hia Yehowa paa?

• Dɛn na yɛyɛ a ɛbɛhyɛ Yehowa anuonyam bere mpo a yemmuee yɛn ano?