Nnwom a Enni Yɛn Nnwom Nhoma No Mu No, Dɛn Na Wubetumi Asua Afi Mu?

Nnwom a enni yɛn nnwom nhoma no mu nea ɛwɔ he na ɛyɛ wo dɛ paa? Adɛn ntia? Nsɛm a ɛwɔ nnwom ho video no mu no, wunim sɛ ɛfa nneɛma a ɛkɔ so wɔ yɛn asetena mu no ho anaa? Nea ɛwɔ nnwom ahorow yi ho ne sɛ, ɛsono asɛm a emu biara ka ne sɛnea wɔto no. Wei nti, obiara betumi anya ne de wom. Nanso, nnwom ahorow yi ne ɛho video no nyɛ biribi a yɛde gyigye yɛn ani kɛkɛ.

Nnwom yi mu biara ma yesua biribi a yebetumi de abɔ yɛn bra na yɛde ayɛ adwuma wɔ asɛnka mu. Nnwom no bi ka ahɔhoyɛ, baakoyɛ, nnamfofa, akokoduru, ɔdɔ, ne gyidi ho asɛm. Ebi nso kyerɛ sɛnea yɛde bɔne bɛkyɛ, yebedi nokware da biara da, na yɛde botae ahorow asisi yɛn ani so wɔ Onyankopɔn som mu. Nnwom no mu baako mpo ma yehu sɛnea ɛsɛ sɛ yɛkari pɛ bere a yɛde mobal fon redi dwuma no. Asuade foforo bɛn na woanya afi nnwom ahorow yi mu?

HWƐ NNWOM HO VIDEO A WƆATO DIN ABA MU AWIE NO. WUWIE A, BUA NSƐMMISA A EDIDI SO YI:

• Daakye papa bɛn na na awarefo a wɔn ani afi no redwinnwen ho?—Ge 12:3

• Gyidi a yɛwɔ sɛ Yehowa bɛma ne bɔhyɛ ahorow abam no, yɛbɛyɛ dɛn ahyɛ mu den?

• Henanom na yebehyia wɔn nnansa yi ara?

• Sɛn na Ahenni no ho anidaso a yɛwɔ no boa yɛn ma yegyina ɔhaw ahorow a yɛrefa mu nnɛ no ano?—Ro 8:25