Awiei No Rebobɔ Ba, Enti Si Wo Bo Sɛ Wubedi Yehowa Nokware

NEA ENTI A ƐHO HIA: Ɛrenkyɛ, nneɛma a ɛyɛ hu besisi. Saa nneɛma no resisi a, yebehia akokoduru ne Yehowa mu ahotoso paa. Dɛn na esi a ɛbɛma yɛahu sɛ ahohiahia kɛse no afi ase? Wɔbɛsɛe atoro som. (Mt 24:21; Adi 17:16, 17) Edu saa bere no a, yɛbɛka atemmusɛm a ano yɛ den. Enti ebehia sɛ yenya akokoduru. (Adi 16:21) Gog a ofi Magog no bɛtow ahyɛ yɛn so. (Hes 38:10-12, 14-16) Yehowa renyɛ nhwɛhaa. Saa bere no na “ade nyinaa so Tumfoɔ Nyankopɔn da kɛse no mu ko no” befi ase. (Adi 16:14, 16) Sɛ yebetumi anya akokoduru de agyina nneɛma a ɛyɛ hu a ebesisi daakye no ano a, ɛsɛ sɛ yenya akokoduru de gyina ɔhaw a yɛrehyia nnɛ no ano.

SƐNEA WOBƐYƐ NO:

• Yehowa mmara a ɛfa abrabɔ ho no, ɛsɛ sɛ yenya akokoduru de yɛ adwuma.—Yes 5:20

• Ɛsɛ sɛ yɛkɔ so ne yɛn nuanom Kristofo hyiam.—Heb 10:24, 25

• Akwankyerɛ biara a Yehowa ahyehyɛde no de bɛma yɛn no, ɛsɛ sɛ yetie na yɛde yɛ adwuma.—Heb 13:17

• Sɛnea Yehowa gyee ne nkurɔfo tete no, ɛsɛ sɛ yedwinnwen ho.—2Pe 2:9

• Bɔ Yehowa mpae, na fa wo ho to no so.—Dw 112:7, 8

HWƐ VIDEO A YƐATO DIN NSƐM A EBESISI DAAKYE A EBEHIA SƐ YENYA AKOKODURU—NE FA BI NO. AFEI BUA NSƐMMISA A EDIDI SO YI:

• 

  Bere a wɔkyɛɛ asafo bi mu guu asafo ahorow bi so no, dɛn na ɛyɛɛ den maa adawurubɔfo no bi sɛ wɔbɛyɛ?

• 

  Sɛ obi yɛ osetie a, ɛma onya akokoduru. Ɔkwan bɛn so?

• 

  Sɛ Harmagedon ba a, ebehia sɛ yenya akokoduru. Adɛn ntia?

• 

  Bible mu asɛm bɛn na ebetumi ama yɛagye adi sɛ, Yehowa wɔ tumi a ɔde begye yɛn?—2Be 20:1-24