Boa Wo Bible Asuafo Ma Wɔnkɔ Asafo Nhyiam

Nneɛma a ehia paa a yɛyɛ wɔ nokware som mu no, asafo nhyiam ka ho. (Dw 22:22) Sɛ yehyiam na yebom som Yehowa a, yɛn ani gye, na ohyira yɛn. (Dw 65:4) Sɛ yɛn Bible asuafo taa kɔ asafo nhyiam a, ɛma wonya nkɔso ntɛmntɛm.

Ɛnde, wobɛyɛ dɛn aboa w’asuafo ma wɔakɔ asafo nhyiam? Ɛne sɛ, kɔ so ara to nsa frɛ wɔn. Video a yɛato din Ɛdeɛn na Yɛyɛ wɔ Ahennie Asa So? no, yi kyerɛ wɔn. Ma wonhu mfaso a sɛ wɔba asafo nhyiam a wobenya. (lff adesua 10) Wopɛ a, biribi pɔtee a woasua wɔ adesua ase anaa nneɛma a yebesua no nnawɔtwe a edi hɔ no, wo ne no mmɔ ho nkɔmmɔ. Nhoma a yesua wɔ adesua ase no, ɛyɛ a ma no bi. Afei nso, yɛ biribi fa boa no. Ebi ne sɛ, wubetumi de kar akɔfa no. Kae sɛ, mmɔden biara a wobɛbɔ de aboa wo Bible suani ma waba asafo nhyiam bere a edi kan no, mfaso wɔ so paa.—1Ko 14:24, 25.

HWƐ VIDEO A YƐATO DIN BOA WO BIBLE ASUAFO MA WƆNKƆ ASAFO NHYIAM NO. WUWIE A, BUA NSƐMMISA A EDIDI SO YI:

• 

  Hokwan bɛn na Neeta nyae a ɔde too nsa frɛɛ Jade sɛ ɔmmra asafo nhyiam?

• 

  Dɛn nti na sɛ yɛn Bible asuafo ba asafo nhyiam a yɛn ani gye?

• 

  Bere a edi kan a Jade kɔɔ asafo nhyiam no, dɛn na ohui?