Ɔfã a Yɛato Din ‘Nea Yebetumi Aka Wɔ Asɛnka Mu’ No, Sɛn Na Yɛde Bɛyɛ Adwuma?

Nea yebetumi aka wɔ asɛnka mu a wɔde ma yɛn no, wosusuw ho yiye ansa na wɔde aba. Anuanom pii ahu sɛ, wɔde yɛ adwuma wɔ wɔn asaasesin mu a, ɛsow aba. Nanso ɛsono ɔman biara ne ɛhɔ tebea, enti adawurubɔfo wɔ asɛnka mu a, wobetumi ne nkurɔfo asusuw asɛm no ho wɔ ɔkwan foforo so. Wobetumi nso asesa asɛm a wɔde nam no aka asɛm a asaasesin no mufo ani begye ho. Sɛ yɛreyɛ ɔsatu titiriw bi na sɛ wɔde akwankyerɛ bi ba de a, ɛsɛ sɛ obiara di so. Yɛn botae ne sɛ yebedi Yesu ahyɛde a ɛne sɛ yɛnka Ahenni ho asɛmpa no so.—Mt 24:14.

Sɛ adawurubɔfo reyɛ asuafo dwumadi wɔ adesua ase a, asɛmti a wɔde ama yɛn sɛ yɛmfa nkɔ asɛnka a ɛwɔ Abrabɔ Ne Asɛnka Adesua Nhoma no mu no, ɛno na ɛsɛ sɛ wɔde yɛ wɔn dwumadi no. Nanso nea ɔbɛyɛ dwumadi no betumi ahwɛ sɛnea mo asaasesin no mu te, na wadan asɛm a wɔde ama yɛn no mu kakra, gye sɛ wɔama yɛn akwankyerɛ foforo. Nea obetumi ayɛ de asakra mu no bi ne sɛ, obetumi abisa asɛm no wɔ ɔkwan foforo so, obetumi akenkan kyerɛwsɛm foforo, obetumi de asɛmmisa foforo agyaw ofiewura no, anaa wasesa ɔkwan a ɔbɛfa so ayɛ dwumadi no. Yɛde akwankyerɛ wei resi nea ɛbaa June 2020 adesua nhoma no kratafa 8 no ananmu.