Kokkinakis v. Greece: Droit réservé
Mmienu a ɛwɔ soro no: West Virginia State Board of Education Ne Barnette Asɛm No; Kokkinakis Ne Greece Asɛm No; Mmienu a ɛwɔ ase no: Cha Ne Wɔn a Ɛka Ne Ho, Ne South Korea Asɛm No; Taganrog LRO Ne Wɔn a Ɛka Wɔn Ho, Ne Russia Asɛm No
KRISTOFO ABRABƆ
‘Sɛnea Yɛbɔ Asɛmpa No Ho Ban Mmara Kwan So’
Bere a atamfo yɛe sɛ wɔbɛma Israelfo no agyae asɔrefie no a wɔresan asi no, Israelfo no yɛɛ nea wɔbetumi biara sɛ wɔbɛma atamfo no ahu sɛ, mmara ma kwan sɛ wɔsi asɔrefie no. (Esr 5:11-16) Saa ara na ɛnnɛ nso Kristofo yɛ. Wɔyɛ nea wɔbetumi biara bɔ asɛmpa no ho ban mmara kwan so. (Flp 1:7) Enti afe 1936 mu no, yɛtew Mmara Dwumadibea wɔ asafo ti. Ɛnnɛ, Mmara Dwumadibea a Ɛwɔ Yɛn Adwumayɛbea Ti no hwɛ sɛ Ahenni adwuma a yɛreyɛ wɔ wiase nyinaa no, wɔbɛbɔ ho ban wɔ mmara kwan so. Sɛn na saa dwumadibea yi aboa ama Ahenni adwuma no akɔ n’anim, na ɔkwan bɛn so na aboa Onyankopɔn nkurɔfo?
HWƐ VIDEO A YƐATO DIN ADWUMA A WƆN A WƆBƆ YƐN HO BAN MMARA KWAN SO WƆ YƐN ADWUMAYƐBEA TI NO YƐ. WUWIE A, BUA NSƐMMISA A EDIDI SO YI:
Ɔhaw bɛn na Yehowa Adansefo hyia a etumi kowie kɔɔto?
Nsɛm bɛn na kɔɔto adi ama yɛn? Ka baako
Dɛn na yɛn mu biara betumi ayɛ de aboa ama ‘wɔabɔ asɛmpa no ho ban mmara kwan so’?
Sɛ wokɔ yɛn wɛbsaet hɔ a, ɛhe na wubehu kɔɔto nsɛmnsɛm a ɛfa Onyankopɔn nkurɔfo ho, ne Yehowa Adansefo a wɔn gyidi nti wɔde wɔn agu afiase no din?