Yɛn Abrabɔ Bedi Mu a, Nneɛma a Yedwen Ho Ba Mu Sɛn?

Sɛ yɛpɛ sɛ yɛn abrabɔ di mu a, ɛnyɛ nea yɛyɛ ne nea yɛka nko ara na ɛsɛ sɛ yɛhwɛ no yiye, na mmom nneɛma a yedwen ho nso. (Dw 19:14) Enti Bible tu yɛn fo sɛ, nneɛma a yedwen ho no, ɛsɛ sɛ yɛhwɛ hu sɛ ɛyɛ nokware, ɛsom bo, ɛtene, ɛho tew, ɛyɛ fɛ, wɔka ho asɛm pa, ɛma yɛbɔ bra pa, na ɛsɛ ayeyi. (Flp 4:8) Yɛbɛka nokware a, adwene a ɛmfata de, ɛyɛ dɛn ara a ebi bɛba yɛn tirim. Nanso sɛ yɛwɔ ahohyɛso a, ɛbɛboa yɛn na sɛ adwemmɔne bi ba yɛn tirim a, yɛapia ato nkyɛn, na yɛadwen adepa ho mmom. Sɛ yɛn abrabɔ bedi mu a, nneɛma a yedwen ho nso ka ho. Yedwen nneɛma pa ho a, ɛbɛboa yɛn ama yɛabɔ bra pa.—Mr 7:​21-23.

Kenkan kyerɛwnsɛm yi mu biara, na bisa wo ho sɛ, ‘Adwene bɛn na ɛsɛ sɛ mekwati?’ Afei kyerɛw wo mmuae hyɛ ebiara ase:

Ro 12:3

Lu 12:15

Mt 5:28

Flp 3:13