Ase Hɔ Asɛm

b Efi Yesu nkwadaaberem besi bere a onyin nyinaa, na bɔne biara nni ne ho. Nanso sɛ na obetumi awu agye yɛn afi bɔne a Adam de bae no mu a, na ɛsɛ sɛ onyin ansa, na ɛnyɛ bere a na ɔyɛ akwadaa no. Kae sɛ, Adam hyɛɛ da na obuu Onyankopɔn mmara so. Ná onim paa sɛ nea ɔreyɛ no yɛ bɔne, na na onim nsunsuanso a ɛde bɛba nso. Wei nti, sɛ Yesu betumi abɛyɛ “Adam a odi akyiri,” na watumi akata Adam bɔne no so a, na ɛsɛ sɛ onyin bɛyɛ obi a onim nea ɔreyɛ na ama watumi asi gyinae adi nokware ama Yehowa. (1 Korintofo 15:45, 47) Enti nokware a Yesu dii wɔ n’asetenam, ne ne nkwa a ɔde bɔɔ afɔre no nyinaa, Bible ka ho asɛm sɛ “adetrenee baako” a ɛmaa Onyankopɔn buu nnipa atreneefo.—Romafo 5:18, 19.