“Mma Wo Bo Nnhaw Wo”

3, 4. Sɛnea wɔayɛ ho kyerɛwtohɔ wɔ Dwom 37:1 no, afotu bɛn na Dawid de mae, na dɛn nti na ɛfata sɛ yetie no nnɛ?

³ Yɛte “mmere a emu yɛ den” mu, na abɔnefosɛm abu so. Yɛahu ɔsomafo Paulo nsɛm yi mmamu: “Nnipa bɔne asisifo bɛkɔ wɔn anim wɔ bɔne mu, wɔdaadaa, na wɔdaadaa wɔn.” (2 Timoteo 3:1, 13) Hwɛ sɛnea ɛnyɛ den koraa sɛ yiye a ayɛ sɛ abɔnefo di no betumi ahaw yɛn! Eyinom nyinaa betumi atwetwe yɛn adwene, na ama yɛayi yɛn adwene afi honhom fam nneɛma so. Hyɛ sɛnea Dwom 37 mu nsɛm a edi kan no twe yɛn adwene si asiane yi so no nsow: “Nhoran wo bo nnebɔneyɛfo nti, mma wo bo nnhaw wo, amumɔyɛfo ho.”

⁴ Wiase nsɛm ho amanneɛbɔfo ma yɛte ntɛnkyea pii ho asɛm da biara. Adwumawuranom a wonni nokware sisi afoforo fa wɔn ho di. Nsɛmmɔnedifo bɔ nnipa a wonni kamafo apoo. Awudifo di awu a wonhu wɔn anaasɛ wɔnka wɔn hwee. Ntɛnkyea ho nhwɛso a ɛtete saa nyinaa betumi ahyɛ yɛn abufuw na ahaw yɛn asomdwoe. Yiye a ayɛ sɛ abɔnefo di no betumi ama yɛn ani abere wɔn mpo. So abufuw a yɛbɛfa no bɛsakra tebea no ama ayɛ yiye? So yiye a abɔnefo di no betumi asakra nea ɛbɛba wɔn so no? Dabida! Na ɛho nhia koraa sɛ yɛbɛma yɛn bo ‘ahoran.’ Dɛn ntia?

6. Asuade bɛn na yebetumi anya afi Dwom 37:1, 2 mu?

⁶ Ɛnde, so ɛsɛ sɛ yɛma nnebɔneyɛfo yiyedi a ɛntra hɔ daa no haw yɛn? Asuade a yenya fi Dwom 37 nkyekyɛm abien a edi kan mu no ni: Ɛmma wɔn yiyedi no mma wo mman mfi Yehowa a woapaw sɛ wobɛsom no no ho. Mmom no, fa w’adwene si honhom fam nhyira ne botae ahorow so.—Mmebusɛm 23:17.