6, 7. (a) Hena ne bobeturo wura no, na bobeturo no gyina hɔ ma dɛn? (b) Atɛn bɛn na owura no ka sɛ wommu?

⁶ Owura no ne hena, na dɛn ne bobeturo no? Turo no wura no ankasa bua asɛm no: “Afei, Yerusalem ne Yuda mmarima, mummu me ne me bobeturo ntam atɛn. Dɛn na anka ɛsɛ sɛ meyɛ me bobeturo bio a menyɛe? Ɛdɛn nti na metwɛnee sɛ ɛbɛsow obobe aba, na asow abuntwɛre yi? Na afei merema moahu nea merebɛyɛ me bobeturo no: Meyi ɛho ban, na mmoa adi, mebubu ne fasu, na wɔatiatia so.”—Yesaia 5:3-5.

9. Ɔkwan bɛn so na Yehowa hwɛɛ ne man te sɛ bobeturo bi a ɛsom bo?

⁹ Yehowa de ne man ‘duaa’ Kanaan, na ɔmaa wɔn mmara a ɛbɛyɛɛ sɛ ɛban a wɔagye afa wɔn ho na aman foforo antumi ansɛe wɔn adwene. (Exodus 19:5, 6; Dwom 147:19, 20; Efesofo 2:14) Afei nso Yehowa maa wɔn atemmufo, asɔfo, ne adiyifo a wɔbɛkyerɛkyerɛ wɔn. (2 Ahene 17:13; Malaki 2:7; Asomafo no Nnwuma 13:20) Sɛ atamfo bi behunahuna Israelfo a, na Yehowa yi mmarima ma wogye wɔn. (Hebrifo 11:32, 33) Enti na ntease wom sɛ Yehowa bisaa sɛ: “Dɛn na anka ɛsɛ sɛ meyɛ me bobeturo bio a menyɛe?”