⁶ Na Yuda som abosom wɔ baabiara—nnua akɛse ase, asubon mu, nkoko so, ne wɔn nkurow mu. Nanso Yehowa huu ne nyinaa, na Ɔnam Yesaia so paa n’ahohwibra no ho ntama: “Bepɔw sorɔnsorɔn a ɛkorɔn so na wosɛw wo nnae, ɛhɔ ara nso na woforo kɔe kɔbɔɔ afɔre; na wode wo nkae ade no sii ɔpon ne apongua mu-fãm.” (Yesaia 57:7-8a) Yuda sɛw ne nnae a ɔyɛɛ honhom fam afide wɔ so no wɔ mmepɔw sorɔnsorɔmmea, na ɛhɔ na ɔbɔɔ afɔre maa ananafo anyame.a Wɔde abosom sisii wɔn ankasa afie mu wɔ wɔn apon ne apongua akyi.