Onyankopɔn Anisɔ Hann a Anuonyam Wom

27. Hann bɛn na ɛkɔ so hyerɛn wɔ Yehowa ‘bea’ no so?

²⁷ Yehowa kaa sɛnea hann a ebepue Yerusalem so no ano bɛyɛ den afa ho asɛm bere a ɔkae sɛ: “Ɛnyɛ owia na ɛbɛyɛ wo hann awia bio, na ɔhyerɛn nso, ɛnyɛ ɔsram na ɛbɛharan ama wo, na mmom [Yehowa, “NW”] na ɔbɛyɛ wo daa hann, na wo Nyankopɔn ayɛ w’anuonyam. Wo wia rentɔ bio, na wo sram nso renwu, na [Yehowa, “NW”] bɛyɛ wo daa hann, na wo nkɔmmɔdi nna awie ɔsa.” (Yesaia 60:19, 20) Na Yehowa bɛkɔ so ayɛ “daa hann” ama ne ‘bea’ no. Ná “ɔrentɔ” te sɛ owia anaa ‘ɔrenwu’ te sɛ ɔsram.d N’anisɔ hann bepue Kristofo a wɔasra wɔn, Onyankopɔn ‘bea’ no ananmusifo a wɔyɛ nnipa no so bere nyinaa. Wɔne nnipakuw kɛse no benya honhom fam hann a ano yɛ den bere nyinaa, na wiase no amammui anaa sikasɛm mu sum biara nni hɔ a ebetumi ama ano abrɛ ase. Na wɔwɔ daakye a ɛyɛ anigye a Yehowa de ahyɛ wɔn bɔ no mu ahotoso.—Romafo 2:7; Adiyisɛm 21:3-5.