Dɛn Na Wobɛyɛ Wɔ Afe a Ɔpɛ Besi Mu?

Ɛsɛ sɛ yɛde yɛn ho to Yehowa so na yenya ne mu gyidi. Sɛ gyidi a yɛwɔ wɔ Yehowa mu yɛ den a, ɛbɛma yɛanya ahotoso sɛ ɔbɛbɔ yɛn ban na wahwɛ yɛn. (Dw 23:1, 4; 78:22) Bere a yɛrebɛn wiase yi awiei no, ɛsɛ sɛ yɛhwɛ kwan sɛ Satan bemia ɔhaw a ɔde ba yɛn so no mu. (Adi 12:12) Ɛba saa a, dɛn na ɛbɛboa yɛn?

HWƐ VIDEO A YƐATO DIN DƐN NA WOBƐYƐ WƆ AFE A ƆPƐ BESI MU? NO. MUWIE A, BUA NSƐMMISA A EDIDI SO YI:

1. Ɔkwan bɛn so na yɛte sɛ “dua” a wɔaka ho asɛm wɔ Yeremia 17:8 no?

2. “Ɔhyew” a ɛba no, emu baako ne dɛn?

3. Sɛ ɔhyew ba a, ɛbɛka “dua” no anaa? Adɛn ntia?

4. Dɛn na yɛwɔ a Satan pɛ sɛ ɔsɛe no?

5. Ɔkwan bɛn so na yɛte sɛ nnipa a wɔtaa de wimhyɛn tu kwan?

6. Adɛn nti na ɛsɛ sɛ yɛkɔ so nya akoa nokwafo ne ɔbadwemma no mu ahotoso, na dɛn na ɛbɛsɔ yɛn ahotoso no ahwɛ?

7. Sɛ wiase no di yɛn ho fɛw mpo a, adɛn nti na ɛsɛ sɛ yɛkɔ so de Bible nnyinasosɛm bɔ yɛn bra?