“Obiara a ɔbɛkɔ so ahwɛ ɔbea anya akɔnnɔ ama no no asɛe aware dedaw ne koma mu.”—Mateo 5:28

Sɛ nhwɛso no, Bible de kɔkɔbɔ ma pefee sɛ ɔbarima warefo a “ɔbɛkɔ so ahwɛ ɔbea” a ɔnyɛ ne yere, na wanya ne ho akɔnnɔ no, betumi asɛe aware. Sɛ obi aware anaa ɔnwaree na ‘ɔkɔ so hwɛ’ aguamansɛm a n’adwene ara ne sɛ ɔde ne ho bɛhyɛ nna mu ɔbrasɛe mu a, Bible mu nnyinasosɛm yi fa ne ho. Onyankopɔn ani nnye nneyɛe a ɛte saa ho koraa.