• “Ɛwom sɛ Wawu De, Nanso Ɔda so Kasa”
    Suasua Wɔn Gyidi

    • 5. Dɛn na ka a Yesu kae sɛ Habel tenaa ase fi “wiase asefi” no kyerɛ? (Hwɛ ase hɔ asɛm no nso.)

      5 Bere a Onyankopɔn bɔɔ nnipa no, ankyɛ na wɔwoo Habel. Akyiri yi, Yesu kaa Habel ho asɛm sɛ ɔtenaa ase fi “wiase asefi.” (Monkenkan Luka 11:50, 51.) Ɛda adi sɛ wiase a Yesu kaa ho asɛm no fa nnipa a wobetumi agye wɔn afi bɔne mu ho. Ɛwom, Habel ne onipa a ɔto so anan a ɔbaa wiase de, nanso ɛbɛyɛ sɛ ɔno ne onipa a odi kan a Onyankopɔn hui sɛ ɔfata ogye.a Ɛda adi sɛ, bere a Habel renyin no, wannya onipa biara a ɔyɛ nhwɛso pa ansuasua no.

  • “Ɛwom sɛ Wawu De, Nanso Ɔda so Kasa”
    Suasua Wɔn Gyidi

    • a Sɛ yɛka “wiase asefi” a, ɛkyerɛ aba a wogu anaa abawo; enti asɛm no fa nnipa a wodii kan woo wɔn no ho. Ɛnde, dɛn nti na Yesu anka Kain a wodii kan woo no no ho asɛm sɛ ɔtenaa ase fi “wiase asefi,” na Habel mmom na ɔkaa ne ho asɛm saa? Kain suban ne ne nneyɛe nyinaa kyerɛe sɛ ɔhyɛɛ da na ɔtew atua tiaa Yehowa Nyankopɔn. Sɛnea ɛtoo Kain awofo no, ebetumi aba sɛ ɔno nso rennya owusɔre mpo na kampɛsɛ wɔde ne bɔne afiri no.