Hwannom na Yesu kaa wɔn ho asɛm sɛ wɔbɛhwehwɛ Onyankopɔn Ahenni no? Ɔkyerɛɛ sɛ treneefo kakraa bi, na ɔfrɛɛ wɔn “nnwankuo ketewa.” Akyiri yi ɛbɛdaa adi sɛ wɔn dodow yɛ nnipa 144,000 pɛ. Dɛn na wɔbɛnya? Yesu ka kyerɛ wɔn sɛ: “Agya no apene so sɛ ɔde ahennie no bɛma mo.” Saafo no, wɔnhwehwɛ nneɛma a ɛwɔ asase so, efisɛ ɛno deɛ akorɔmfo bɛtumi awia. Wɔde wɔn koma nyinaa hwehwɛ “ademudeɛ a ɛnsa da wɔ soro,” na ɛhɔ na wɔne Kristo bɛdi hene.—Luka 12:32-34.

Afei ara na na Yesu akyerɛkyerɛ mu sɛ “nnwankuo ketewa” bi na wɔbɛnya ɔsoro Ahenni no mu akɔ. (Luka 12:32) Nanso saa hokwan no nyɛ biribi a ɛsɛ sɛ obi di ho agorɔ koraa. Ɔtoaa so kyerɛɛ sɛ obi bɛnya Ahenni no a, gye sɛ ɔnya suban pa.