Eyi nyɛ ade foforo. Nokwarem no, ɔsomafo Petro ka kyerɛɛ afeha a edi kan Kristofo no sɛ: “Na ɛyɛ [amanaman mufo] no nwonwa sɛ afei mo ne wɔn ntu mmirika . . . , na wɔka ho nsɛmmɔne.” (1 Petro 4:4) Bible nkyerɛase afoforo ka sɛ, “wɔtoto mo din” (Knox) anaasɛ, “Wodidi mo atɛm.”—Today’s English Version.

Afei nso, sɛnea Petro kyerɛwee no, wɔ ɔkwan foforo so no ɛyɛ fɛwdifo no bi “nwonwa.” Yiw, ebetumi aba sɛ w’abrabɔ no bɛyɛ wɔn nwonwa ampa. Sɛ nhwɛso no, sɛ woyɛ Yehowa Ɔdansefo a, ebia ɛbɛyɛ wɔn nwonwa ankasa sɛ wunni nnapɔnna bi. Ebetumi aba mpo sɛ asɔretiafo a wɔmpa abaw aka Adansefo ho atosɛm akyerɛ wɔn.