Dwom 31
Yɛyɛ Yehowa Adansefo!
1. Nnipa som nnua ne abo,
Nanso wɔnnim Yehowa.
Ɔno ne Otumfoɔ,
Ɛyɛ nokware.
Nyame fof’ro biara nnim
Nea ɔkyena de bɛba.
Wɔntumi nnya adansefo bi,
Na wɔnni tumi biara nso.
(NNYESO)
Yehowa Adansefo,
Yɛkasa na yensuro.
Yehowa yɛ ɔnokwafo daa;
Ne nkɔmhyɛ nyinaa ba mu.
2. Yɛbɛbɔ Nyankopɔn din,
Yebedi ho adanse.
N’Ahenni ho asɛm,
Yɛka, yensuro.
Ɛbɛma nnipa ahu
Nyankopɔn nokware no.
Wɔnya nkɔso, wɔma wɔn nne so;
Wɔto n’ayeyi dwom no bi.
(NNYESO)
Yehowa Adansefo,
Yɛkasa na yensuro.
Yehowa yɛ ɔnokwafo daa;
Ne nkɔmhyɛ nyinaa ba mu.
3. Ka Nyankopɔn asɛm no.
Ɛbɛtew ne din no ho.
Ɛyɛ kɔkɔbɔ ma
Abɔnefo no.
Nyankopɔn de bɔne kyɛ
Wɔn a wɔsan ba ne nkyɛn.
Adansedi ma yɛn anigye
Ne daa nkwa ho anidaso.
(NNYESO)
Yehowa Adansefo,
Yɛkasa na yensuro.
Yehowa yɛ ɔnokwafo daa;
Ne nkɔmhyɛ nyinaa ba mu.
(Hwɛ Yes. 37:19; 55:11; Hes. 3:19 nso.)