• Nkaebɔ Ahorow
    Ahenni Som—1999 | January

    • Nkaebɔ Ahorow

      ◼ Nhoma a yɛde bɛma January: Nhoma biara a ekura nkratafa 192 a wotintimii ansa na 1985 reba a mo asafo no wɔ bi. Asafo ahorow a wonni saa nhoma no bi no betumi de True Peace and Security—How Can You Find It? anaa Wubetumi Atra Ase Daa wɔ Paradise wɔ Asase So nhoma no ama. February: Nea Ɛde Abusua mu Anigye Ba. March: Nimdeɛ a Ɛde Kɔ Daa Nkwa Mu. Yɛbɛyɛ nhyehyɛe soronko de afi ofie Bible adesua horow ase. April: Ɔwɛn-Aban ne Nyan! kra. Ma nkurɔfo nsa nka Ahwehwɛde nhomawa no bi, na bɔ mmɔden fi ofie Bible adesua horow ase.

      ◼ Wɔbɛma adawurubɔfo a wɔabɔ wɔn asu a wɔba Ɔsom Nhyiam ase wɔ January 4 dapɛn no mu nyinaa “Advance Medical Directive/Release” krataa no bi ne “Identity Card” a wɔde bɛma wɔn mma.

      ◼ Efi March no, baguam ɔkasa foforo a amansin so ahwɛfo bɛma ne “So Wubu Onyankopɔn Sɛ Obi Ankasa?”

      ◼ Ɛsɛ sɛ asafo ahorow no yɛ nhyehyɛe de di afe yi Nkaedi no Yawda, April 1, bere a owia akɔtɔ no. Ɛwom sɛ wobetumi afi ɔkasa no ase ntɛm de, nanso ɛnsɛ sɛ wɔde Nkaedi bobesa ne abodoo no fa nnipa no anim kosi sɛ owia bɛtɔ ansa. Baabi a asafo dodow bi kɔ Ahenni Asa biako so no, ebia asafo biako anaa nea ɛboro saa betumi akɔhwehwɛ ɔdan foforo de adi dwuma saa anwummere no. Sɛ ebetumi a, yɛhyɛ nyansa sɛ anyɛ yiye koraa no momma simma 30 nna dwumadi no ntam na ama moanya bere de akyiakyia ahɔho, ahyɛ wɔn a wɔakyerɛ anigye foforo nkuran, na moanya afahyɛ no so mfaso akosi ase. Sɛ ɛho behia a, ɛsɛ sɛ mususuw kar nkyereso ne mmeae a wɔde kar besisi ho haw ahorow, a baabi a wɔn a wɔbɛforo kar besi ne baabi a wɔbɛforo no nso ka ho no ho. Ɛsɛ sɛ mpanyimfo kuw no si gyinae wɔ nhyehyɛe a ɛbɛyɛ papa ama mo asafo no ho.

      ◼ Wɔbɛma 1999 Nkaedi bere mu baguam ɔkasa titiriw no Kwasida, April 18. Ɔkasa no asɛmti bɛyɛ “Adamfofa Pa a Yɛne Onyankopɔn ne Yɛn Mfɛfo Nnipa Benya.” Wɔde krataa a wɔbɛhwɛ so ama ɔkasa no bɛma. Asafo ahorow a wɔn mansin sohwɛfo bɛba abɛsra wɔn, anaasɛ wɔbɛyɛ ɔmansin nhyiam saa dapɛn no awiei no bɛma ɔkasa titiriw no dapɛn a edi hɔ no. Ɛnsɛ sɛ asafo biara ma ɔkasa titiriw no ansa na April 18, 1999 adu.

  • Asafo Nhoma Adesua
    Ahenni Som—1999 | January

    • Asafo Nhoma Adesua

      Nhyehyɛe ma asafo adesua wɔ So Onyankopɔn Dwen Yɛn Ho Ampa? nhomawa no mu.

      January 4: Kr. 12, nky. 1 kosi Kr. 17, nky. 14

      January 11: Kr. 17, nky. 1 kosi Kr. 21, nky. 11

      January 18: Kr. 21, nky. 12 kosi Kr. 27, nky. 22

      January 25: Kr. 27, nky. 23 kosi Kr. 31, nky. 18

  • September Ɔsom Akontaabu
    Ahenni Som—1999 | January

    • September Ɔsom Akontaabu

      Nnɔn. Nsɛm. San. BA

      Dodow: Nky. Nky. Nky. Nky.

      Akw. Tit. 137 138.4 10.1 81.4 14.2

      Akw. 3,745 72.7 6.8 38.6 7.6

      Akw.Abf. 1,671 58.2 4.9 25.0 5.5

      Adwf. 52,328 12.7 1.1 5.9 1.7

      NKABOM 57,881 Asubɔfo: 278

  • Nsakrae a Wɔayɛ Wɔ Akwampaefo Nnɔnhwerew Ahwehwɛde Mu
    Ahenni Som—1999 | January

    • Nsakrae a Wɔayɛ Wɔ Akwampaefo Nnɔnhwerew Ahwehwɛde Mu

      1 Yɛn nyinaa ani sɔ sɛ yɛwɔ daa akwampaefo ne akwampaefo aboafo a wɔyɛ adwumaden wɔ asafo no mu. Baabi a asasesin no sua na wɔyɛ mu adwuma fefeefe bere nyinaa mpo no, akwampaefo nam Ahenni adwuma no a wɔde nsi yɛ no so ayɛ nhwɛso pa. Wɔahyɛ adawurubɔfo no nyinaa nkuran ma wɔayere wɔn ho rehwehwɛ wɔn a ‘wɔayi wɔn yam’ no.—Aso. 13:48.

      2 Asafo ti no ahu sɛ nsɛnnennen a akwampaefo hyia no reyɛ kɛse, titiriw ɛdefa adwuma a wɔde bere fã yɛ a wobenya ayɛ na ama wɔatumi adi wɔn ankasa ahiade ho dwuma yiye sɛnea ɛbɛyɛ a wobetumi akɔ so ayɛ bere nyinaa som adwuma no ho. Sikasɛm tebea a ɛwɔ nsase pii so mprempren no nso ama ayɛ den kɛse sɛ afoforo de wɔn ho bɛhyɛ akwampae adwuma no mu, ɛwom mpo sɛ ɛwɔ wɔn komam de. Wɔasusuw saa nneɛma yi ne afoforo ho yiye nnansa yi.

      3 Esiane nea ɛwɔ atifi hɔ no nti, Asafo ti no atew daa akwampaefo ne akwampaefo aboafo nnɔnhwerew ahwehwɛde no so. Efi 1999 rekɔ no, wɔbɛhwehwɛ sɛ daa akwampaefo de nnɔnhwerew 70 bɛyɛ adwuma ɔsram biara, anaa nnɔnhwerew 840 bɛyɛ adwuma afe biara. Wɔbɛhwehwɛ sɛ akwampaefo aboafo de nnɔnhwerew 50 bɛyɛ adwuma ɔsram biara. Esiane sɛ Asafo ti no yɛ nsiesiei boa akwampaefo atitiriw ne asɛmpatrɛwfo ma wɔde di wɔn asetram ahiade atitiriw ho dwuma nti, wɔnyɛɛ nsakrae biara wɔ nnɔnhwerew a wɔde yɛ adwuma no mu. Ne saa nti, wobetumi de wɔn adwene asi wɔn asɛnka ne asuafoyɛ adwuma no so yiye.

      4 Yɛwɔ anidaso sɛ nsakrae a wɔayɛ wɔ nnɔnhwerew ahwehwɛde mu yi bɛboa akwampaefo pii ma wɔakɔ so ayɛ ɔsom adwuma a ɛsom bo yi. Ɛsɛ sɛ ebue hokwan ma adawurubɔfo foforo pii nso de wɔn ho hyɛ daa akwampaefo ne akwampaefo aboafo adwuma no mu. Hwɛ nhyira ara a eyi de bɛbrɛ asafo no muni biara!