Adɛn Nti na Nokware Som Da Wo Koma So?

Asɔrefie ho anisoadehu a Hesekiel nyae no hyɛɛ Yudafo a na wɔwɔ nkoasom mu no den. Ɛma wonyaa awerɛhyem sɛ wɔbɛsan ama nokware som so. Nna a edi akyiri yi mu nso, wɔama nokware som so “asen nkoko nyinaa.” Aman nyinaa a asen yuu aba nokware som mu no, yɛn nso yɛka ho bi. (Yes 2:2) Woabehu Yehowa na woresom no. Saa hokwan yi, ɛyɛ a wudwinnwen ho?

MFASO A ƐWƆ NOKWARE SOM SO:

• 

  Honhom fam aduan abu so. Ɛma yenya nsɛmmisa a ɛho hia paa no ho mmuae. Ɛsan boa yɛn ma yɛbɔ bra pa, na ɛma yenya anidaso.​—Yes 48:17, 18; 65:13; Ro 15:4

• Yɛne yɛn nuanom a wɔwɔ wiase nyinaa de baakoyɛ som Yehowa.​—Dw 133:1; Yoh 13:35

• Yenya hokwan ne Onyankopɔn yɛ adwuma a ɛma yɛn koma tɔ yɛn yam.​—Aso 20:35; 1Ko 3:9

• Yɛrehyia ɔhaw a, “Onyankopɔn asomdwoe” hyɛ yɛn den.​—Flp 4:6, 7

• Yenya ahonim pa.​—2Ti 1:3

• ‘Yehowa ne yɛn di atirimsɛm.’​—Dw 25:14

Dɛn na metumi ayɛ de akyerɛ sɛ nokware som da me koma so?