Wubetumi Aka Asɛm No Na Woakyerɛkyerɛ!

Mfiase no, na Mose te nka sɛ ɔrentumi nyɛ adwuma a Yehowa de ahyɛ ne nsa no. (Ex 4:10, 13) Woate nka saa pɛn? Wo ne Yehowa Adansefo sua ade? Ɛyɛ a wubisa wo ho sɛ, ‘Me nso metumi ayɛ afie afie asɛnka no bi?’ Sɛ woyɛ aberantewa anaa abaayewa a, ɛyɛ a ɛyɛ wo den sɛ wubedi adanse wɔ sukuu mu anaa? Anaa ɛyɛ a wusuro sɛ wubedi adansedi wɔ baguam anaa tɛlɛfon so. Sɛ wote nka saa a, ɛnde bɔ mpae srɛ Yehowa sɛ ɔmfa ne honhom mmoa wo. (1Pe 4:11) Nya ahotoso sɛ, adwuma biara a Yehowa de bɛhyɛ wo nsa no, ɔbɛma wo nea wuhia na ama woatumi ayɛ.—Ex 4:11, 12.

HWƐ VIDEO A YƐATO DIN DA AKOKODURU ADI . . . ƆDAWURUBƆFO NO. WUWIE A, BUA NSƐMMISA A EDIDI SO YI:

• Nsɛnnennen bɛn na Onuawa Aoyama hyiae?

• Dɛn na ɛboaa no maa onyaa akokoduru ne nkuranhyɛ?—Yer 20:7-9

• Bere a ɔyeree ne ho trɛw ne som adwuma mu no, mfaso bɛn na onyae?

• Nsɛnnennen a worehyia wɔ asɛnka mu no, emu nea ɛwɔ he na Yehowa betumi aboa wo ama woadi so?