Yehowa Ne Yɛn Guankɔbea

1. Yehowa, yɛn guankɔbea,

Yɛwɔ ne mu gyidi.

Ne nwini yɛ hintabea,

Yɛbɛtena hɔ daa.

Ɔno ankasa begye yɛn,

Ɔde ne tumi bɛboa yɛn.

Yehowa, abandenden,

Ɔyɛ treneefo hintabea.

2. Apem bɛtotɔ wo nkyɛn.

Bɔne bi renka wo.

Anokwafo no mu na

Wubenya asomdwoe.

Ɛmma ehu biara nka wo,

Na ɔhaw biara rento wo.

W’ani na wode behu;

Nyankopɔn bɛbɔ wo ho ban.

3. Yehowa bɛhwɛ wo so,

Wo sɔhwɛ nyinaa mu.

Enti wunhim da biara,

Na wo ho rempopo.

Worensuro gyata biara;

Wubetiatia ɔpramm’ri so.

Yehowa, yɛn guankɔbea,

Ɔbɛhwɛ yɛn so daa nyinaa.