Ontumi Mfa N’ankasa De Nsie

Adwumawura bi kyerɛw krataa yi kɔmaa Yehowa Adansefo baa dwumadibea a ɛwɔ Slovenia no:

“Meda mo ase sɛ daa mode Nyan! ne Ɔwɛn-Aban nsɛmma nhoma no bi mena me. Sɛ meretu kwan a, mefa nsɛmma nhoma yi, na mekenkan bere a mete kar mu ne bere a adwuma ho nkɔmmɔ a merekodi bere nsoe no.

“Mepɛ sɛ mode nhoma ahorow yi a moaka ho asɛm wɔ mo nsɛmma nhoma mu no bi brɛ me: Is There a Creator Who Cares About You?, Dɛn Ne Asetra Atirimpɔw? Wobɛyɛ Dɛn Ahu?, ne Amansan Nhoma no.

“Mihia nhoma yi mu biara abien. Nea enti a ɛte saa ne sɛ bere biara sɛ meretu kwan na merekenkan nhoma no a, obi kyerɛ ho anigye. Na medan me de no ma no, ɛmfa ho sɛ mepɛ sɛ mede sie me nhomakorabea no.”

Yɛwɔ ahotoso sɛ sɛ wokenkan Dɛn Ne Asetra Atirimpɔw? Wobɛyɛ Dɛn Ahu? nhomawa a edi mu a ekura nkratafa 32 yi a, ɛso bɛba wo mfaso kɛse. Nhoma yi da no adi sɛ yɛn Bɔfo no wɔ atirimpɔw kɛse a ɛnkyɛ biara yɛn nsa bɛka. Wo nsa betumi aka nhoma yi bi denam krataa a ɛka ho no a wobɛhyehyɛ amena address a wɔde ama wɔ so no anaa address a ɛwɔ nsɛmma nhoma yi kratafa 5 no mu nea ɛfata no so.

□ Momfa Dɛn Ne Asetra Atirimpɔw? Wobɛyɛ Dɛn Ahu? nhomawa no bi mmrɛ me.

□ Mesrɛ sɛ mo ne me mmɛyɛ ofie Bible adesua a wontua hwee.