“Musapase Mukana Dhiyabhurosi”

Djakobo aizviziya kuti Djehovha akasisira kunamathwa no mwoyo wese, kunyazi Ayena asati apasa mutemo unorambidza kunamata mifanikiso. (Eki 20:3-5) Hino, mu masure mwe kubvunzwa na Djehovha kuti ahwirire ku Bheteri, Djakobo wakapa nhungamiriro ku ese ainga anaye kuti aidikana kusiyana no mifanikiso inonamathwa. Pedzepo Djakobo akapsveta mifanikiso yese inonamathwa, kutobatanidzawo mhete dzokuti pamweni dzaiseenzeswa hinga zvithumwa. (Ge 35:1-4) Zve zvirokwazvo, Djehovha akapfara no maitiro a Djakobo.

Mazuwa ano, tinganamata kudini Djehovha no mwoyo wese? Cokutanga, tinodikana kuramba ciro cipi haco cinobatanidza kunamata mifanikiso kana madhimoni. Izvi zvinobatanidza kuramba zve madhimoni uye kunyasa kukwarakwatisa mitambo yedu. Ngo muezaniso, cimbodzibvunzisei: ‘Ndinoaraidzwa no mabhuku kana mafirme anobudisa mavhampiro kana zviro zve maninji? Pane zvandinoaraidzwa nazvo zvekuti zvinopangidza zve masarapita kana zve uroi hingana zviro zvisikazi kushata?’ Tinodikana kugara kure no zviro zvese zvinozondwa na Djehovha.—Mapis 97:10.

ONAI VHIDHIYO YAKAZWI “RHWISANAI NA DHIYABHUROSI,” PEDZEPO DAIRAI MIBVUNZO INOTEERA:

• 

  Ndiripi dambudziko rakabuda mu upenyu we mufundi we Bhaibheri unozwi Rita?

• 

  Ngei zvakanaka kupsvaka rubetso re akuru e ungano pa shwiro dzakaringana no zvecidhimoni?

• 

  Kana tecida kudziirirwa na Djehovha, ndizvinyi zvatinodikana kusiyana nazvo zvacose?

• Rita akazoitei pasure pe kucedza no akuru e ungano?

• Kamunogara, ngaipi mishobo yamungaita kuti mugare kure no kuita zvecidhimoni?