Seenzesai Bhurushura no Bhuku Rakazwi Pfadzwai ne Upenyu Nokusikaperi!

Tiri kupfara maningi ngo kubudiswa ke bhurushura ne bhuku ripsva zvicatibetsera pa kuitisa fundo dze Bhaibheri! Tinonamata kuti Djehovha akomborere kupeta masimba kedu kuti tirumbwe teciita afundi. (Mt 28:18-20; 1Ako 3:6-9) Ticaaseenzesa kudini mafaramenta aya?

Ngokuti bhuku no bhurushura Pfadzwai ne Upenyu Nokusikaperi!, zvicafundwa ngo mushobo wo kucedzesana nge zve Bhaibheri, irona rino mukhaindi mupsva we kufundisa. Hino, nyasai kutondoedza nhungamiriro dzese dzokuseenzesa bhuku iri pamunonga mecigadzirira uye mecifundisa.a

• Erengai mandima, uye cedzai nge zve mibvunzo

• Erengai matsamba akazwi “erengai”, uye betserai mufundi kuzwisisa kuti angazviseenzesa kudini

• Ridzai uye cedzai nge zve mavhidhiyo, seenzesai mubvunzo upi hawo uri pamuri kufunda

• Edzai kupedza fundo yese pa fundo imwe basi

Mu basa rekuparidzira, pasai bhurushura anhu anonga apfarira. (Onai bhokisi rakazwi “Tingapasa kudini bhurushura ra Pfadzwai ne Upenyu Nokusikaperi! Patinoona Munhu ke Kutanga.”) Kana mukapedza kufunda bhurushura no mufundi uye iyena ecida kuenderera mberi ecifunda, mungamupasa bhuku uye motangisa pa fundo 04. Kana maakufunda no munhu bhuku rakazwi Bhaiberi Rinotifundisei kana Ramba Uri mu Rudo ra Mwari, munodikana kucinja kuti mufunde bhuku rakazwi Pfadzwai ne Upenyu Nokusikaperi! uye munodikana kuona kuti mucatanga papi.

ONAI VHIDHIYO YAKAZWI MAUYA-MAUYA PA FUNDO YENYU YO BHAIBHERI, PEDZEPO DAIRAI MIBVUNZO INOTEERA:

• Afundi acafundei mu bhuku iri ripsva?

• Ngei mecidikana kupangidza vhidhiyo ii ku afundi apsva?

• Ngazvipi zvinangwa zvamunodikana kukohomedzesa mufundi padoko no padoko?—Onai pakazwi “Zvamungaita uye Zvinangwa zve Dii Rimwe na Rimwe”