KURARAMA KE CIKRISTU
Djehovha Anotibetsera Patinosongana no Miedzo
Mazuwa ano ekupedzesera, tinobatana no miedzo yakawanda inoshupha. Nguwa dzimweni, tingazwa hingana kuti miedzo dzedu dzakawanda uye atikwanisi kudzishingirira. Hino, kana tikarumbwa tecikhwedera dhuze na Djehovha, ayena acatibetsera kushingirira miedzo kutobatanidzawo no zvia zvinoshupha maningi. (Isa 43:2, 4) Tingakhwedera kudini dhuze na Djehovha patinosonga no miedzo?
Munamato. Patinofunungura mwoyo wedu kuna Djehovha, ayena anotipasa runyararo uye simba mu ndangariro kuti tishingirire.—Afi 4:6, 7; 1At 5:17.
Musangano. Kubvira kare, isusu tinoda zvekurhya zve kumwiya uye kushamwaridzana katinopaswa na Djehovha mu misangano yedu. (Ahe 10:24, 25) Patinogadzirira, kupinda uye kudaira pa misangano dze ungano, tinonyasa kukhorovhera rubetso re kumwiya ra Djehovha.—Zva 2:29.
Basa re kuparidzira. Zvicatiitira nyore kukanda ndangariro dzedu pa zviro zvakanaka kana tikaita zviri zvese kuti tirumbwe takabamba mu basa re kuparidzira. Uye tinobambisa ushamwari wedu na Djehovha uye no adoni edu e kubasa.—1Ak 3:5-10.
ONAI VHIDHIYO YAKAZWI DJEHOVHA AKANDICENGETA, PEDZEPO DAIRAI MIBVUNZO INOTEERA:
Cinyi cakabetsera Malu kuti arumbwe ari dhuze na Djehovha paibatana no miedzo?
Maererano na Malu, masoko ari pana Pisarema 34:18 anotinyaradza kudini patinonga tecibatana no miedzo?
Eshiperiyensiya ya Malu inopangidza kudini kuti Djehovha anotipasa “simba rinopinda riya ratinaro” patinosongana no miedzo?—2Ak 4:7