KURARAMA KE CIKRISTU

Imwimwi Makagadzirira Here Kubatana no Cinetso Cekutama Zvekurarama Nazvo?

Atishamisiki patinoona zviitiko zve nyika pazvinoounzisa migariro ye cinetso cekutama zvekurarama nazvo pasi rese. Ngei? Ngekuti tirikurarama mu mazuwa ekupedzesera uye Bhaibheri rinotingwadza kuti atidikani kukanda kariro yedu pa “upfumu unopera.” (1Ti 6:17; 2Ti 3:1) Muezaniso wa Mambo Djeosafati unotifundisei ngezve kugara takagadzirira pa dambudziko re kutama mare?

Paaityisidzirhwa no madzinza aimuzonda, Djeosafati wakagonda na Djehovha. (2Mk 20:9-12) Iyena akatorawo matanho anoseenza kuti agadzirire kudziirira anhu pacino nguwa nokubambisa maguta akakwirira uye zvikwata zve magwardha. (2Mk 17:1, 2, 12, 13) Hingana Djeosafati, tinoita zvakanaka kana tikagonda Djehovha uye kutora matanho akasisira kuti tikwanisane no migariro inoshupha.

TINODIKANA KUITEI KUTI TIDZIGADZIRIRE PA CINETSO CEKUTAMA ZVEKURARAMA NAZVO?

Dzigadzirirei pa zvekumwiya: Gutsikanai uye bambisai rugondo renyu kuna Djehovha kuti acamubetserei pazvinodikanwa zvenyu zve zuwa ne zuwa. (Mt 6:26; 1Ti 6:8) Garai makashinga kuti musambotame kuteerera zvokwadi zvisikacinji zviri mu Bhaibheri nge ndaa ye zviro zve zuwa ne zuwa. (Aro 2:21) Ongororai kuti maizogara kudini no zvokurhya zvekunamata kana mukazotama magetsi kana kuti internet. Garai no mabhuku akadhindwa munyara amunosanangura, uye kana zvecibvira, citisai mabhuku mu mudziyo yenyu ye magetsi paciine nguwa.

Dzigadzirirei pa zvekunyama: Pungurai magaa uye thurudzai zviro zvisikanyanyi kukosha pasati paoneka cinetso cekutama zvekurarama nazvo. (Zvie 22:7) Kana zvecibvira, cengetai zviro zvokurhya uye no zviro zvimweni zvinodikanwa. Amweni anosanangura kusima zviro kuti akwanise kuseenzesa mare zvakanaka.

ONAI VHIDHIYO YAKAZWI MAKAGADZIRIRA HERE TSAWANA DZINOITIKA DZEGA? PEDZEPO DAIRAI MIBVUNZO INOTEERA:

Zvinobudiswa mu vhidhiyo “Makagadzirira Here Tsawana Dzinoitika Dzega?” Zviro zvinobudiswemo Bhaibheri, pasta yo emergensiya, thabreti, uye hama dzinowaka.

Tinodikana kuitei pacedu kuti tigare takagadzirira pakaitika tsawana dzinoitika dzega?

Your answer

Zvinobudiswa mu vhidhiyo “Makagadzirira Here Tsawana Dzinoitika Dzega?” Hama dzinobetsera panoitika tsawana ngokuita basa rekuwaka uye kucitisa zviro zviri mukaro.

Tingagara kudini takagadzirira kuti tizobetsere amweni?

Your answer