Mareferensiya e Urongwa we Musangano Basa Redu uye Kurarama
© 2024 Watch Tower Bible and Tract Society of Pennsylvania
NOVEMBRO 4-10
UPFUMI UNOBVA MU SOKO RA MWARI PISAREMA 105
“Iyena Anorangarira Citenderano Cake Nokusikaperi”
Tingabambisa Kudini Kutenda Kedu mu Cipikirhwa ca Djehovha ce Nyika Ipsva?
11 Ngationei zvipikirhwa zvimweni zvakaizwa na Djehovha ku anhu ake e kare uye zvaiita hingana zvisikazodzadziki. Iyena akagondesa Abrahamu na Sara kuti kunyazi awona ainga acembera aizobara mwana. (Gen. 17:15-17) Iyena akabvunzazve Abrahamu kuti aizopasa nyika ye Kanani ku mubarirhwana wake. Cipikirhwa ici caiita hinga cisikazodzadziki ngekuti Aisraeri awo ainga ari abarirhwana a Abrahamu, ke makore akawanda awona akashuphika hinga aranda mu Edjipitu, asi cipikirhwa ici cakadzadzika. Makore akazoteera Djehovha akati mwanakadzi umweni wainga acembera waizwi Erizabheti waizobara mwana. Iyena akagondesazve kuti Mariya musikana wainga ari mhandhwe waizobara Mwana wa Mwari, ecidzadzisa cipikirhwa ca Djehovha caakaita kare mu munda we Edheni!—Gen. 3:15.
12 Kana tikanyasa kurangarira kuti Djehovha akadzadzisa kudini zvipikirhwa zvaakapikira, kutenda kedu kekuti iyena acaunzisa nyika ipsva kucanyasa kubamba. (Erengai Djoshuwa 23:14; Isaya 55:10, 11.) Kana tikaita kudaro, tinonga tagadzirira kubetsera anhu kuzwisisa kuti nyika ipsva kunonga kusiripi kurota. Djehovha akabhuya masoko anoteera ngezve matenga mapsva no nyika ipsva: “Masoko aya akagondeka uye ngee zvirokwazvo.”—Zvak. 21:1, 5.
it-2 paji. 563 ndi. 3
Soko
Zvisikwa zvipenyu no zvisikwa zvisina upenyu, zviri pasi pe soko ra Mwari uye iyena angazviseenzesa kuti adzadzise zvinangwa zvake. (Ps 103:20; 148:8) Soko rake rakagondeka; Mwari zvaanopikira anoedzurira kuzvidzadzisa. (Dhe 9:5; Ps 105:42-45) Hingana zvaakareketa, soko rake “rinogara nokusikaperi”; arihwiriri kaari risati raita zvaanoda.—Isa 40:8; 55:10, 11; 1Pe 1:25.
Upfumi Watinogumira mu Bhaibheri
w86 11/1 paji. 19 ndi. 15
Madjaha—Dii Renyu mu Mhuri Yakabatana uye Inopfara
15 “Murenje dzake dzakasungwa no makorenti; akaiga simbi mu mutsipa make, dakara pa nguwa yakadzadzika soko rake, zvakarekethwa na Djehovha ndizvona zvakaita kuti [Zuzee] anyase kunaka.” (Pisarema 105:17-19) Ke makore 13 Zuzee wakashuphika hinga muranda uye musungwa, dakara cipikirhwa ca Djehovha cadzadzika. Matambudziko aakasongana nawo, akaita kuti agare munhu wakanyasa kunaka. Kunyazi ainga asiripi Djehovha aikonzera matambudziko aya, iyena akatendera kuti izvona zviitike no cinangwa. Kodi Zuzee waizorumbwa akabatisisa kariro yake pa “masoko a Djehovha” kunyazi ecibatana no matambudziko? Iyena waizotunhudzira mawara ake akanaka uye kusakurira mwoyo unononoka kutsamwa wakakwana, kudzidodosa, simba re kumwiya uye ushingi we kukwanisana no basa iri rinoshupha here? Honde, Zuzee wakabuda hingana oro yanatswa pa muriro we munatsirisi—wakanyasa kunatswa uye ecinyasa kukosha kuna Mwari, uya wakazomuseenzesa nge mushobo unoshamisa.—Genesi 41:14, 38-41, 46; 42:6, 9.
NOVEMBRO 11-17
UPFUMI UNOBVA MU SOKO RA MWARI PISAREMA 106
“Awona Akakanganwa Mwari, Muponesi Wawo”
w18.07 paji. 20 ndi. 13
“Ndiani Ari ku Dii ra Djehovha?”
13 Aisraeri akathya paakaona makuta okusvipa, mheni uye zvipangidzo zva Djehovha. Awona akakumbira kuti Mozesi aaimirire, uye iyena wakakwira mu Dunhu ro Sinai kuti arekete na Djehovha. (Eki. 20:18-21) Asi Mozesi wakanonoka kuhwirira. Zvaiita hingana kuti Aisraeri ainga asara oga pakati pe renje, asina waiatungamirira. Pamugariro uu aizoitei? Zvinoita hingana kuti anhu aipangidza kutenda ngekuti aiona Mozesi pamberi pawo. Awona akathya uye akakumbira Aroni eciti: “Tigadzirire mwari kuti atitungamirire, ngokuti atizvizii zvaitika na Mozesi mwanarume uu wakatibvisa ku nyika yo Edjipitu.”—Eki. 32:1, 2.
Upfumi Watinogumira mu Bhaibheri
w06 7/15 paji. 13 ndi. 9
Mafundo Makuru Anobva mu Mabhuku Ecitatu no Ecirongomuna a Pisarema
106:36, 37. Mavhersikuro aya anobatanidza kunamata zvidhori no kuita zvibairo ku madhimoni. Izvona zvinopangidza kuti munhu unoseenzesa mifanikiso ungakwanisa kufuridzirhwa no madhimoni. Bhaibheri rinotikohomedzesa kuti: ‘Tidzingwarire panocokuita no zvidhori.’—1 Juau 5:21.
NOVEMBRO 18-24
UPFUMI UNOBVA MU SOKO RA MWARI PISAREMA 107-108
“Tendai Djehovha Ngekuti Akanaka”
w07 4/15 paji. 20 ndi. 2
Ungano Inokudza Djehovha
2 Ungano aicikwatapi ce kushamwaridzana basi, mbuto inoungana anhu e cikwata co mutanha, kana kuti anopfarira zviro zvimwezvo uye mutambo umwewo. Kusiya izvona, cinangwa cokutanga co ungano ngece kukudza Djehovha. Kubvira kare zvainga zvakadaro hingana zvinorekethwa pana Pisarema. Pisarema 35:18, inoti: “Ndinozomutendai pakati pe ungano huru; ndicamukudzai pakati pe anhu akawanda.” Uye Pisarema 107:31, 32 inotikohomedzesa kuti: “Tendai Djehovha nge ndaa ye rudo rake rakagondeka uye nge ndaa ye zviito zvake zvinoshamisa ku ana e anhu. Uye mukudzei mu ungano ye anhu.”
w15 1/15 paji. 9 ndi. 4
Tendai Djehovha kuti Mukomborerhwe
4 Kuti isusu tisakurire uye tirumbwe no mwoyo unotenda, tinodikana kuona makomborero atapaswa na Djehovha uye tonyasa kurangarira nge zvawo, uye torangarira ngezve mushobo waanotibata no usisi, rudo uye kugondeka. Mutari we pisarema paakaita izvona, iyena wakashamisika no zviro zvakawanda zvinoshamisa zvakaizwa na Djehovha.—Erengai Pisarema 40:5; 107:43.
Upfumi Watinogumira mu Bhaibheri
it-2 paji. 396 ndi. 3
Moabhi
Paa padarika nguwa, Dhavhidhi paaitonga, kaingawo kuno hondo pakati pe Israeri no Moabhi. Amoabhi akanyiswa uye akabambidzirhwa kuripa musoho kuna Dhavhidhi. Zvinoita hingana kuti mumasure me kurhwisana uku, matii mairi e matii matatu e anhu e ku Moabhi akafa. Pamweni Dhavhidhi wakaabvunza kuti awate pasi, hinga mutsara, hino akaapima kuti awone kuti matii api mairi e matii matatu aizofa uye dii rimwe ro matii matatu raizosara. (2Sa 8:2, 11, 12; 1Mk 18:2, 11) Pamweni pakurhwisana uku ndipo pekuti Bhenaya, mwana wa Djeoyadha “wakauraya ana airi a Arieri we Moabhi.” (2Sa 23:20; 1Mk 11:22) Kukunda kakaita Dhavhidhi Amoabhi kakaita kuti udzadziswe uphorofita wa Bharami, waakaphorofita makore 400 adarika, waiti: “Nyeredzi icabuda kuna Djakobo uye ndonga ye umambo icabuda kuna Israeri. Uye acaphwanya huma dze Amoabhi, uye dehenya re ana ese e anyahondo.” (Nu 24:17) Pamweni nge ndaa ye kukunda uku, ndikona kakaita kuti mupisarema arekete ngezva Mwari kuti aiona Moabhi hinga “basiya rokusambira.”—Ps 60:8; 108:9.
NOVEMBRO 25–DEZEMBRO 1
UPFUMI UNOBVA MU SOKO RA MWARI PISAREMA 109-112
Tsigirai Mambo Djesu!
w06 9/1 paji. 13 ndi. 6
Mafundo Makuru Anobva mu Bhuku Rocishanu ra Pisarema
110:1, 2—Djesu Kristu “Tenzi wa [Dhavhidhi]” aiitei paainga ari ku moko kwawo wa Mwari? Mumasure me kumutswa, Djesu akakwira ku denga uye akaetsera ari ku dii re moko kwawo wa Mwari dakara 1914 kuti atange kutonga. Panguwa yese ii, Djesu aitonga ateeri ake akadzodzwa, eciatungamirira pa basa rake re kuparidzira no kuita afundi uye eciagadzirira kuti azotonge naye mu Umambo wake.—Mateu 24:14; 28:18-20; Ruka 22:28-30.
w00 4/1 paji. 18 ndi. 3
Aya Anorhwisana na Mwari Aazombokundi!
3 Anhu a Djehovha ari kurhwiswa kubvira mu zana re makore re ci 20. Munyika dzakawanda anhu ano zvikonzero zvakashata anopsvaka kurambidza uye kuimisa—kuparidzwa ke masoko akanaka e Umambo wa Mwari. Awona anopfuridzirhwa no muzondi wedu mukuru, Dhiyabhurosi, “unohamba-hamba hinga mhondoro inorudza yecipsvaka we kurhya.” (1 Pedru 5:8) Mumasure me kupera ke “nguwa yakasisira ye madzinza amweni” muna 1914, Mwari akagadza Mwana wake hinga Mambo we nyika, no mutemo wekuti: “Tonga pakati pe azondi ako.” (Ruka 21:24; Pisarema 110:2) Eciseenzesa simba rake Kristu wakadzingira Sathani kudenga uye omukhandira pa nyika. Eciziya kuti wasarirhwa no nguwa doko Dhiyabhurosi unopangidzira shungu dzake ku Akristu akadzodzwa uye adoni awo. (Zvakapangidzwa 12:9, 17) Aya akarhwisana na Mwari akagara no mugumisiro upi?
be paji. 76 ndi. 2
Rumbwai Mecikura Pakunamata
Kohomedzeso yekuti museenzese zvipo zvamunazvo, inobatanidza kugara makagadzirira kutora matanho okutanga. Munosotangawo here kuita cisanaguro co kubuda no amweni mu basa re kuparidzira? Monosopsvaka mikana ye kubetsera nhengo dzipsva dze mu ungano, uye madjaha no ari kurhwara? Munosodzipira pakucenesa Nyumba ye Umambo kana kubetsera pa magungano? Pamweni paya munosokwanisawo here kuseenza hinga mupionero we rubetso? Mungakwanisa kuseenza hinga mupionero we nguwa dzese kana kubetsera ungano dzinoda rubetso? Munosopeta masimba kuti mudzadzise zvinodiwa no Bhaibheri ku abati anoseenzera uye akuru? Cido cenyu ce kubetsera uye kutendera ubaba zvinopangidza kuti muri kukura pa kunamata.—Pis. 110:3.
Upfumi Watinogumira mu Bhaibheri
it-1 paji. 559 ndi. 4
Citenderano
Citenderano kuti Agare Mupristi Hinga Zvainga Zvakaita Merikizedheki. Citenderano ici cinooneka pana Pisarema 110:4, uye mutari we bhuku re Bhaibheri re Ahebheru anociseenzesa kuna Kristu pana Ahebheru 7:1-3, 15-17. Ndi citenderano cakaizwa na Djehovha na Djesu basi. Zvinoita hingana kuti Djesu aibhuya nge zvake paakaita citenderano co Umambo no ateeri ake. (Ruk 22:29) Nge ndaa ye cipikirhwa ca Djehovha, Djesu Kristu, Mwana wa Mwari we kudenga, waizogara hinga zvainga zvakaita Merikizedheki. Merikizedheki wainga ari mambo uye mupristi wa Mwari pa nyika. Djesu Kristu waizogara no ubaba wa Mambo uye Mupristi Mukuru, haiwa pa nyika asi kudenga. Iyena wakagadzwa kuti aite basa irona nokusikaperi mumasure mekuti aenda kudenga. (Ahe 6:20; 7:26, 28; 8:1) Citenderano icona cinogara no kusikaperi, ngekuti Djesu acaseenza ecitungamirirhwa na Djehovha hinga Mambo uye Mupristi Mukuru nokusikaperi.—Ahe 7:3.
DEZEMBRO 2-8
UPFUMI UNOBVA MU SOKO RA MWARI PISAREMA 113-118
Tingapangidza Kudini Kutenda Kedu kuna Djehovha?
w01 1/1 paji. 11 ndi. 13
Bambiswai nge Rudo
13 Masoko a Djesu anopangidza pamhene kuti tinodikana kuda Djehovha pa mbuto yokutanga. Asi isusu atibarhwi tino rudo rakakura kuna Djehovha. Ici iciro catinodikana kusakurira. Patinotanga kufunda ngezva Djehovha, tinozwa tecikweiwa no zviya zvatinonga tazwa. Padoko no padoko, tinofunda mushobo waakagadzirira nyika ku anhu. (Genesi 2:5-23) Tinofunda mushobo waanobata anhu, aazi kutiramba kunyazi citema cokutanga pacakapinda ku anhu, asi akatora matanho okuti tigarezve no ushamwari naye. (Genesi 3:1-5, 15) Iyena akabata anhu akatendeka no unaki uye pakupedzesera akapasa Mwana wake akabarhwa ari ega kuti tirekererhwe zvitema zvedu. (Juau 3:16, 36) Kukura uku ke ruziyo redu kakatunhudzira rureremedzo redu kuna Djehovha. (Isaya 25:1) Mambo Dhavhidhi wakabhuya kuti waida Djehovha nge ndaa ye mabatirhwe e rudo aaiizwa Naye. (Pisarema 116:1-9) Mazuwa ano, Djehovha anotiriritira, anotitungamirira, anotibambisa, uye anotitsigira. Patinorumbwa tecifunda nge zvake, rudo redu kaari rinotunhudzirika.—Pisarema 31:23; Zefaniya 3:17; Aroma 8:28.
w09 7/15 paji. 29 mandi. 4-5
Tendai Zvamunopaswa—Pasai no Mwoyo Wese
Mutari we pisarema wakabvunzisa kuti: “Ndingaripa kudini Djehovha nge zviro zvese zvakanaka zvaanondiitira?” (Pis. 116:12) Zviro zvipi zvakanaka zvaainga aizirhwa? Djehovha akamucengeta pa nguwa ye “matambudziko uye kutsukwara,” uyewo “akamuponesa pa rufu.” Hino mutari we pisarema waida kuita ciro kuti “aripe” Djehovha. Cinyi caaizoita? Iyena wakati: “Ndicaripa mhiko dzangu kuna Djehovha.” (Pis. 116:3, 4, 8, 10-14) Iyena wakasanangura kudzadzisa mhiko dzese dzaakaitira Djehovha uye kumuitira zvese zvaaidikana kumuitira.
Imwimwi mungaitawo zvimwezvo. Mungazviita kudini? Nge kugara no mararamiro anoenderana no mitemo ya Mwari uye kuita zvaanoda nguwa dzese. Ndiyo ndaa, itai kuti kunamata kenyu Djehovha kurumbwe kuri ciro cinokosha mu upenyu wenyu uye tenderai kuti mwiya wa Mwari umutungamirirei pa zviro zvese zvamunoita. (Mup. 12:13; Aga. 5:16-18) Zviri pamhene kuti amuzokwanisi kuripa Djehovha zvakakwana nge zvese zvaakamuitirai. Asi, kuona kuti imwimwi muri kuita zviri zvese no mwoyo wese mu basa ra Djehovha, zvinopfadza mwoyo Wake. (Zvie. 27:11) I makomborero akakura maningi kupfadza Djehovha nge mushobo uu!
w19.11 mapaji. 22-23 mandi. 9-11
Tingafundei Kubva mu Bhuku ra Revhitiko
9 Fundo yocipiri: Tinoseenzera Djehovha ngokuti tinomutenda. Fundo ii inonyasa kudjeka pa zvibairo zve runyararo. Zvibairo izvona zvainga zviri dii rinokosha pakunamata ke zvirokwazvo mu Israeri yo kare. Bhuku ra Revhitiko rinopangidza kuti Muisraeri waikwanisa kupasa cibairo ce runyararo, “hinga mushobo wekupangidza kutenda.” (Rev. 7:11-13, 16-18) Iyena wainga asikaiti cibairo ici nge kubambidzirhwa asi nge kuda. Cainga ciri cipo cokudzipira caiizwa nge Muisraeri ngokuti waida Djehovha Mwari. Munhu waiita cibairo, mhuri yake uye apristi airhya nyama yo cinyama capirhwa. Asi matii manganani aipaswa Djehovha basi. Matii api awona?
10 Fundo yocitatu: Tinopasa Djehovha zvakanakisisa zvedu ngokuti tinomuda. Djehovha aiona dii re nyama ino mafuta hinga dii rakanakisisa maningi. Iyena akasanangurawo matii anoita kuti cinyama cirarame akadai hinga ipsvo, hinga anokosha kaari. (Erengai Revhitiko 3:6, 12, 14-16.) Ngokudaro, Djehovha aipfara maningi Muisraeri paaidzipira kumupasa dii re nyama ino mafuta no matii amweni anokosha. Muisraeri waiita izvona, waipangidza kuti waida maningi kupasa Djehovha zvakanakisisa zvake. Nge mushobo umwewo, Djesu akadzipira kupasa Djehovha zvakanakisisa zvake. Nge ndaa ye rudo rake kuna Mwari, Djesu Akamuseenzera no mwiya Wake wese. (Juau 14:31) Kuita kuda ka Mwari, ainga ari makomborero kuna Djesu; iyena aida maningi mutemo wa Mwari. (Pis. 40:8) Apana mubvunzo kuti Djehovha akapfara naningi nge kuona cido ca Djesu ce kumuseenzera!
11 Kuitawo hingana zvibairo zviya zve kutenda, basa redu kuna Djehovha, imushobo we kudzipira watinopangidza nawo mazwiro edu kaari. Isusu tinoda kupasa Djehovha zvakanakisisa zvedu ngekuti tinomuda no mwoyo wese. Cimborangarirai mupfaro wa Djehovha paanoona mamirionji e anhu ecidzipira pa kumuseenzera ngekuti anoda iyena no mitemo yake! Zvinonyaradza kuedzurira kuti Djehovha anokoshesa haiwa basi zviya zvatinomuitira, asiwo zvinotiitisa kuti timuitire izvona. Ngo muezaniso, kana imwimwi macembera uye amucakwanisi kuita zvese zvamaida kuitira Djehovha, garai no rugondo kuti iyena anoona kudarika zviya zvamusikakwanisi kuita. Pamweni imwimwi mungaona kuti amuna zvakawanda zvekupasa Djehovha, asi iyena anoona rudo ramunaro rinomuitisai kuti muite zvese zvamunokwanisa. Djehovha anopfara nge kutenda zviya zvamunokwanisa kupasa.
Upfumi Watinogumira mu Bhaibheri
w12 5/15 paji. 22 mandi. 1-2
Mibvunzo Inobva ku Aerengi
Ecifemerhwa, mupisarema umweni wakaemba eciti: “Ciro cinorhwadza maningi kuna Djehovha i kufirhwa no anhu akagondeka.” (Pis. 116:15) Upenyu we umwe na umwe we anamati a Djehovha unokosha maningi kaari. Kunyazi zvakadaro, masoko atinogumira pana Pisarema 116 aareketi basi ngezve kufa ke munhu umwe.
Pakuita mharidzo yo mariro ku Mukristu, muiti we mharidzo aadikani kuseenzesa tsamba ya Pisarema 116:15 ku mufi, kunyazi afa akatendeka kuna Djehovha. Ngei? Ngekuti masoko a mupisarema anobatanidza anhu akawanda. Zvinoreya kuti kuna Mwari, kufa ko cikwata cakagondeka kaari kunorhwadza maningi kuti iyena atendere kuti izvona zviitike.—Onai Pisarema 72:14; 116:8.
DEZEMBRO 9-15
UPFUMI UNOBVA MU SOKO RA MWARI PISAREMA 119:1-56
“Mudjaha Ungaita Kudini kuti Gwanza Rake Rirumbwe Rakacena?”
w87 11/1 paji. 18 ndi. 10
Imwimwi Murikurumbwa Makacena pa Mugariro Wese we Zviro Here?
10 Pana Aefeso 5:5 Pauro wakangwadza kuti: “Ngokuti imwimwi munoziya, uye munonyasa kuzwisisa kuti mu umambo wa Kristu no wa Mwari, amuzopindi munhu wese anoita uhure, anoita zvisikazi kucena, ano makaro, ngokuti kugara no makaro kakaezana no kunamata zvidhori.” Kunyazi zvakadaro, makore ese anhu akawanda anosumururhwa kana kudzingwa nge ndaa ye uhure—‘ecishaishira mwiri wawo kamare.’ (1 Akorinti 6:18) Kakawanda kakhona, izvona zvinosobarhwa no munhuwo nge ndaa ye “kutama kungwarira maererano no soko ra [Mwari].” (Pisarema 119:9) Ngo muezaniso, hama dzakawanda dzinogara dzisikazi kungwarira pa muhambiro pa nguwa yaanonga ari mu maferiya. Anotanga kutamba no aya aanonga anawo mu maferiya asiripi Apupuri a Djehovha, ecisiya kutamba no Akristu. Uyewo, amweni akagara no ushamwari we padhuze no aanoseenza nawo kubasa. Mukuru umweni, wakagara no ushamwari we padhuze maningi no museenzi wake we mwanakadzi, zvekuti wakasiya mhuri yake uye wakatanga kugara no museenziwo! Izvona zvakaita kuti adzingwe. Izvi zvinopangidza kuti masoko ari mu Bhaibheri ekuti: “Kushamwaridzana no anhu anoita zviro zvakashata kunoshatisa maitiro akanaka,” ngee zvirokwazvo!—1 Akorinti 15:33.
w06 6/15 paji. 25 ndi. 1
“Ndinopfarira Maningi Zviedzuriro Zvenyu”
DJEHOVHA anopasa ngwadzo aseenzi ake kuitira kuti aabetsere pa kurhwisana no zvinetso zve nguwa ino inoshupha. Ngwadzo dzinganani, munhu anodziona paanonga ecierenga Bhaibheri, uye dzimweni tinodzizwa pa masoko kana mhinduro dzinopaswa pa misangano ye Cikristu. Zvakawanda zvakhona zvatinoerenga uye zvatinozwa mu muzviitiko izvona, azvipsvapi katiri. Pamweni, zviro izvona takazvifunda kare. Asi ngokuti tinokanganwa, tinodikana kufundazve ngezve zvinangwa, mitemo uye nhungamiriro dza Djehovha. Tinodikana kukoshesa ngwadzo dza Djehovha. Idzona dzinotizorodza uye dzinotibetsera kurumbwa takangwarira pa zviro zvakaita kuti tigare no upenyu we kuthya Mwari. Mupisarema wakaemba kuna Djehovha eciti: “Ndinopfarira maningi zviedzuriro zvenyu.”—Pisarema 119:24.
w10 4/15 paji. 20 ndi. 2
Itai kuti Madziso Enyu Asaone Zviro Zvakashata!
2 Asi zviro zvatinoona zvingakwanisawo kutikuwadza. Madziso akanyasa kubatana no ndangariro zvokuti zviya zvatinoona zvingakwanisa kuita kuti zvido zve mwoyo zvikure. Tiri kurarama mu nyika yakashata uye yakadzara no anhu anoda kugutsa zvido zvawo basi, nyika iri kutongwa na Sathani, Dhiyabhurosi. Ndiyo ndaa, pese pese tinokwanisa kuoana mafoto kana kuti mapubrisidhadhe angakwanisa kutipausa pa zviro zvakanaka nge mushobo uri nyore, kunyazi tikandoawona padoko basi. (1 Juau 5:19) Ndiyo ndaa, azvishamisi kuti mutari we pisarema wakadeketera kuna Mwari eciti: “Itai kuti madziso angu asaone zviro zvakashata; ndicengetedzei ndiri mupenyu mu gwanza renyu.”—Pis. 119:37.
Upfumi Watinogumira mu Bhaibheri
w05 4/15 paji. 10 ndi. 2
Gondai mu Soko ra Djehovha
2 Musoro we Pisarema 119 i kukosha ke soko kana kuti tsamba ya Mwari. Mutari uu wakatara mavhersikuro 176 e ngoma ii no mabhii akanyasa kurongeka e Cihebheru, pamweni waizviita kuti zvizoite nyore kuicengeta mu ndangariro. Pa Cihebheru cokutanga, maestrofe 22 ano mitsara inokwana kuita 8 inotanga no bhii rimwero. Pisarema ii inobhuya ngezva Mwari uye soko rake, mutemo, zviedzuriro, maitiro, nhungamiriro, zvipupuriro, mirayiro uye zvakatongwa. Mu fundo ino uye inoteera, ticaona Pisarema 119 tecitsamira mu turikiro yakagondeka ye tsamba yo Cihebheru yo Bhaibheri. Kunyasa kurangarira zvakaitika zvinobatanidzawo aseenzi a Djehovha e kare uye e mazuwa ano, kunodikana kuita kuti titunhudzire rureremedzo redu mu ngoma ii yakafemerhwa na Mwari uye kutenda kedu ku Soko ra Mwari rakatarhwa, Bhaibheri.
DEZEMBRO 16-22
UPFUMI UNOBVA MU SOKO RA MWARI PISAREMA 119:57-120
Tingashingirira Kudini Zvinetso
w06 6/15 paji. 20 ndi. 2
“Ndinoda Maningi Mutemo Wenyu!”
2 Pamweni mungadzibvunzisa kuti: “Mutemo wa Mwari, wainyaradza kudini mutari we pisarema?” Zvaimunyaradza, rugondo raainga anaro rokuti Djehovha aimupfarira. Kuziya kuseenza ke mutemo waakapaswa na Mwari, kakaita kuti mutari we pisarema apfare pasinei no matambudziko aikonzerhwa no aphikisi. Iyena waiziya kuti Djehovha ainga amuitira unatsi. Kusiya izvona, kuzwira mitemo ya Mwari kakaita kuti mutari we pisarema agare no ungwaru kudarika azondi ake uye zvakatoponesa upenyu wake. Kuzwira kaiita mutemo, kakamupasa runyararo uye hana yakacena.—Pisarema 119:1, 9, 65, 93, 98, 165.
w00 12/1 paji. 14 ndi. 3
Imwimwi Munoda Maningi Zviedzuriro zva Djehovha Here?
3 Zviedzuriro zva Mwari zvaikosheswa maningi no mutari we pisarema paakaemba kuti: “Inini ndinokasika, uye andinonoki pa kucengeta mitemo yenyu. Mapote e akashata akanditenderedza. Asi andikanganwi mutemo wenyu.” (Pisarema 119:60, 61) Zviedzuriro zva Djehovha zvinotibetsera kushingirira kuteererhwa ngokuti tinogonda kuti Baba edu e kudenga anokwanisa kugura mapote atinosungwa nawo na Sathani. Pa nguwa yakasisira, iyena acatisudzunura pa zvinetso izvi kuti tiite basa re kuparidzira ngezve Umambo.—Mark 13:10.
w06 9/1 paji. 14 ndi. 4
Mafundo Makuru e Bhuku Recishanu ra Pisarema
119:71—Kutambudzika kunobetserei? Matambudziko angatifundisa kunyasa kugonda Djehovha, kuita munamato kaari no mwoyo wese, kunyasa kufunda Bhaibheri, uye kuseenzesa zvatinofunda. Uyezve, zvatinoita patinotambudzika zvingapangidza unhu ungada kugadziriswa. Matambudziko aazotisii tecigurunguta kana tikasiya kuti iyena atibetsere.
w17.07 paji. 13 mandi. 3, 5
“Cemai no Anocema”
3 Apana mubvuzo kuti Djehovha ndiye anotinyaradza maningi. (Erengai 2 Akorinti 1:3, 4.) Iyena anonyasa kuzwisisa mazwiro edu. Djehovha anotigondesa kuti: “Inini ndini Uya anomunyaradzai.”—Isa. 51:12; Pis. 119:50, 52, 76.
5 Isusu tino rugondo rese rokuti Djehovha akagadzirira kutibetsera nguwa dzese. Ndiyo ndaa, tinodikana kuzwa takasudzunuka kufungura mwoyo wedu uye tomubvunza zvese zvatiri kuzwa. Djehovha anozwisisa mazwiro edu uye iyena anotipasa nyaradzo yatinonga tecida! Asi Djehovha anotinyaradza kudini?
Upfumi Watinogumira mu Bhaibheri
w06 9/1 paji. 14 ndi. 5
Mafundo Makuru e Bhuku Recishanu ra Pisarema
119:96—Masoko okuti ‘kupera ke kukwana kese’ anoreyei? Mutari we pisarema wainga ecireketa ngezve kukwana mu maonero e munhu. Pamweni iyena wainga ecirangarira kuti mu maonero e munhu, kukwana kuno mugumo. Kusiyana na izvona, mitemo ya Mwari aina mugumo uwona. Nhungamiriro dzake dzinoseenza mu mishobo yese ye upenyu. Nova Versão Internacional inoti: “Ndinoona kuti kukwana kese kuno mugumo, asi mutemo wenyu auna mugumo.”
DEZEMBRO 23-29
UPFUMI UNOBVA MU SOKO RA MWARI PISAREMA 119:121-176
Tingaita Kudini kuti Tisapisike Musoro Pasina Cikonzero
w18.06 paji. 17 mandi. 5-6
Tendai Kurowedzwa no Mitemo ya Djehovha
5 Mitemo ya Mwari ingatibetsera maningi. Asi kuti izvona zviitike, azvikwani basi kuierenga uye kuiziya. Tinodikana kuda mitemo iyona uye kuireremedza. Soko ra Mwari rinoti: “Zondai zvakashata uye idai zvakanaka.” (Amo. 5:15) Asi tingazvikwanisa kudini? Tinodikana kufundira kuona zviro nge mushobo unoona Djehovha. Hinga muezaniso: Cimborangaridzai kuti imwimwi muri kusongana no cinetso ce kutama kuwata. Imwimwi munoenda kuna medhiko uye iyena anomubvunzai kuti musanangure zviro zvinganani zvokurhya, kuita maezersisiyo uye kucinja miitiro minganani. Imwimwi munoita zvese zvaanomubvunzai uye munohwirira kuwatazve zvakanaka. Apana mubvunzo kuti maizoda kutenda maningi medhiko uya wamubetserai kuti mugare zvakanaka.
6 Nge mushobo umwewo, Musiki wedu akatipasa mitemo minganani ingaita kuti upenyu wedu ugare uri nani uye kutidziirira pa migumisiro yakashata inounzwa no citema. Hinga muezaniso, iyena akatipasa mitemo inopangidza mushobo waanorangarira ngezve kunyepa, kusama kugondeka, kuba, kuita uhure, zvecisimba uye zvecidhimoni. (Erengai Zvierengo 6:16-19; Zvak. 21:8) Patinoteerera mitemo idzi, upenyu wedu unogara uri nani. Izvona zvinoita kuti titende Djehovha uye timude nge mitemo yake.
w93 4/15 paji. 17 ndi. 12
Madjaha—Zvinyi Zvamuri Kupetera Masimba?
12 Kupinda zvese, tinodikana kufundira kuzonda, kunyanyaswa uye kutama kuda zvakashata. (Pisarema 97:10) Tingazonda kudini zviya zvokuti pamweni pakutanga zvinoita hinga zvinoaraidzisa kana kuti zvinopfadza? Nge kurangarira migumisiro yakhona yakashata! “Musacengedzwe: Mwari aatambwi naye. Ngokuti zvinosimwa no munhu, ndizvona zvaanozokorora; ngokuti uya unosima maererano no nyama yake unozokorora kuora kunobva pa nyama yake.” (Agaratiya 6:7, 8) Pamunoedzwa kuita uhure, rangarirai ngezve ciro cinonyanya kukosha—kurhwadzisa kamaizoita Djehovha Mwari. (Ezanisai na Pisarema 78:41.) Rangariraiwo kuti maizobata pamwiri pasikazi kurongwa kana kubata nhenda, yakaita hinga HIV. Rangarirai kuruza mupfaro mu ndangariro kamaizogara nako uye kutama kudzida kamaizoita. Pangakwanisa kuonekawo migumisiro yakashata ingagara ke upenyu wese. Hanzvadzi imweni ye Cikristu inotendera yeciti: “Mwamuna wangu na inini, taiita zvepamaponde no anhu amweni patainga tisati taziyana. Kunyazi hazvo nyamasi uno taa Akristu, muraramiro wedu we kare unoita kuti tiitirane shanje uye tisapindirane mu mucato.” Amudikaniwo kukanganwa kuti mungakwanisa kuruza ubaba wamunawo kana kutoguma pa kudzingwa mu ungano ye Cikristu! (1 Akorinti 5:9-13) Kodi zvino musorodi kamare kuripa mutengo wakakura kudai ngokuda kugutsa cido cedu ciripo-ripoco?
Upfumi Watinogumira mu Bhaibheri
Garai no Rugondo Rokuti “Soko ra Mwari Ngere Cokwadi”
2 Hinga aseenzi a Djehovha, isusu tino rugondo rekuti iyena ndi “Mwari we zvirokwazvo” uye nguwa dzese iyena anoda zvakatinakira. (Pis. 31:5; Isa. 48:17) Isusu tingagara no rugondo rekuti zvese zvatinoerenga mu Bhaibheri—kana kuti mu “soko rese ra [Mwari] nge zve zvirokwazvo.” (Erengai Pisarema 119:160.) Isusu tinotenderana no zvakatarhwa no muzii umweni we Bhaibheri kuti: “Mwari aabhuyi zviro zvekunyepa uye zvisikazoitiki. Anhu a Mwari angakwanisa kutendera zvese zvinobhuiwa na Mwari ngekuti anogonda naye.”
DEZEMBRO 30–JANERO 5
UPFUMI UNOBVA MU SOKO RA MWARI PISAREMA 120-126
Akasima Ecicema, Asi Akazokorora Ecipfara
w04 6/1 paji. 16 ndi. 10
Uya Anokudza Mwari Anokomborerhwa
10 Patinotenda djoki re kugara mufundi, tinonga tecirhwisana na Sathani. Pana Tiyago 4:7, pano rugondo rekuti:“Rhwisanai na Dhiyabhurosi, uye iyena acamutizai.” Izvi azvidi kureya kuti kuita izvona zviri nyore. Kuseenzera Mwari kunoda kupeta masimba akakura. (Ruka 13:24) Asi pana Pisarema 126:5, Bhaibheri rinogondesa kuti: “Aya anosima ecicema, acazokorora ecipfara.” Zvezvirokwazvo, isusu tinonamata Mwari anotenda. Iyena “anopasa mubairo anhu ese anomupsvaka no mwoyo wese,” uye anokomborera aya anomukudza.—Ahebheru 11:6.
Kutenda Kenyu Kucagara Kakabamba Here?
17 Muri kunetseka nge kufirhwa kamakaita no munhu wamunoda here? Hino psvakai nguwa ye kubambisa kariro yenyu ye rumuko nge kuerenga ngano dze mu Bhaibheri dze aseenzi akagondeka akahwirira kuraramazve. Muri kunetseka nge ndaa yekuti umwe we mu mhuri yenyu wakadzingwa here? Fundai kuti mugare no rugondo rokuti mushobo we kupangira wa Djehovha wakanaka nguwa dzese. Dambudziko ripi haro ramuri kubatana naro, riseenzesei hinga mukana we kubambisa kutenda kenyu. Funungurai mwoyo wenyu kuna Djehovha. Musagare muri mwega, pane kudaro rumbwai muri dhuze no hama uye hanzvadzi dzenyu. (Zvie. 18:1) Batikanai pa mabasa angamubetserai kushingirira kunyazi mecidikana kuita izvona ne misodzi. (Pis. 126:5, 6) Rumbwai muno urongwa wenyu we kupinda misangano, kuita basa re kuparidzira uye kuerenga Bhaibheri. Uye rumbwai makakanda ndangariro dzenyu pa makomborero anogondeswa na Djehovha mune ramangwana. Paya pamunozwa rubetso ra Djehovha, kutenda kenyu kunonyasa kubambawo.
w01 7/15 mapaji. 18-19 mandi. 13-14
Kuenderera Mberi no Basa ro Kukorora!
13 Nyaradzai maningi aseenzi ari mu basa re kukorora ra Mwari, maka-maka aya ari kuteererhwa, aya ndi masoko a Pisarema 126:5, 6 anoti: “Aya anosima ecicema, acazokorora ecipfara. Aya anoenda, kunyazi ecicema akathwara pasta yawo yakadzara no mbeu, zvezvirokwazvo acahwirira acapfara maningi akathwara zviro zvawo.” Masoko e mutari we pisarema anocokuita no kusima uye kukorora anoezanisira mushobo wakacengeta uye kukomborera kakaita Djehovha aya akasara paakahwirira kubva kuutaphwa ke Bhabhironi re kare. Awona akapfara maningi no kuponeswa kaakaizwa. Asi pamweni akacema paaisima mbeu dzawo mu minda dzisina zviro dzainga dzisikazi kurimwa paainga ari hinga ataphwa ke makore 70 ku Bhabhironi. Asi aya akaenderera mberi no basa ro kusima uye kuwaka, akagara no migumisiro yakanaka uye kupfadzwa no basa rawo.
14 Pamweni, tingabudisa misodzi patinobatana no miedzo uye kana aya atinonamata nawo ecibathwa zvisina unatsi. (1 Pedru 3:14) Pakutanga, basa redu re kukorora ringatishuphira sezvo zveciita hingana pasina zvinopangidza kupeta masimba katiri kuita mu basa re kuparidzira. Asi kana tikarumbwa tecisima uye kudirira, Mwari acaita kuti zvikure maningi kudarika zviya zvataikarira. (1 Akorinti 3:6) Izvi zvinonyasa kupangidza migumisiro ye kukowaniswa ke Bhaibheri uye ke mabhuku e Bhaibheri.
Upfumi Watinogumira mu Bhaibheri
cl paji. 73 ndi. 15
Simba Rinocengeta—“Mwari ndi Mbuto Yedu ye Kutizira”
15 Ngatitangei nge kuona kuti Djehovha anocengeta kudini upenyu wedu. Isusu anamati a Djehovha tingagara no rugondo rokuti iyena anoticengeta hinga cikwata. Rangarirai zvinoteera: Sathani, “mutongi we nyika ino,” waizopfara maningi nge kutsakatisa kunamata ke zvirokwazvo. (Juau 12:31; Zvakapangidzwa 12:17) Anyautongi amweni ano simba e nyika ino, akarambidza basa redu re kuparidzira uye akaedza kutsakatisa sangano redu zvacose. Kunyazi zvakadaro, anhu a Djehovha anorumbwa akabamba uye anorumbwa eciparidzira asikaimi! Ngei anhu e madzinza ano simba, aazi kukwanisa kuimisa basa iri re cikwata ce Akristu anoita hinga asina anoadziirira? Ngokuti Djehovha, nge mushobo we kuezanisira, anotidziirira no mabaphiro ake ano simba!—Pisarema 17:7, 8.