Tingaitei kuti Tikwanise Kuerenga Bhaibheri Mazuwa Ese?

No zviro zvakawanda zvo kuita, imwimwi makambozwa zvecishupha here kuteerera urongwa we kuerenga Bhaibheri mazuwa ese? (Djs. 1:8) Hino, zvakadini kuteerera mazano anoteera?

• Kandai ciro cingakwanisa kumuedzurirai. Kandai ararme mu terefoni menyu kuti imuedzurirei kuerenga Bhaibheri.

• Nguwa dzese siyai Bhaibheri renyu pa mbuto yamunokasika kuona. Kana imwimwi meciseenzesa Bhaibheri rakadhindwa siyai pa mbuto yamunokasika kuona mazuwa ese.—Dhe. 11:18.

• Purutanai audhiyo ye Bhaibheri. Purutanai maaudhiyo awona pamunonga meciita mabasa enyu e zuwa no zuwa. Hanzvadzi imweni inozwi Tara, yekuti ndi mupiyonera, ndi mai uye inoseenza usiku, inoti: “Kupurutana maaudhiyo e Bhaibheri pandinonga ndeciita mabasa e pa nyumba kunondibetsera kuti ndierenge Bhaibheri mazuwa ese.”

• Musarembe. Kana zviro zvikapingaidza urongwa wenyu, erengai kunyazi mavhersikuro manganani musati maenda koowata. Kuerenga mazuwa ese kunyazi padoko basi, zvicamubetserai maningi.—1 Ped. 2:2.