Masoko e Bhaibheri

Mumasure me gore ra 4026 K.A.A.

“Nyoka” inopangidza kutama kugara no cokwadi ce citenderhwa ca Djehovha ce kutonga. Djehovha anogondesa kuti panozooneka “mwana” kana kuti “mbeu” acazotsakatisa nyoka, kureya Sathani. (Genesi 3:1-5, 15, masoko e pasi) Asi Djehovha anotendera kupasa anhu nguwa kuti adzitonge ecitungamirirhwa na Sathani.

Gore ra 1943 K.A.A.

Djehovha akabvunza Abrahamu kuti “mwana” wakagondeswa waizobva kaari.—Genesi 22:18.

Mumasure me gore ra 1070 K.A.A.

Djehovha anogondesa Mambo Dhavhidhi uye no kuhamba ke nguwa mwana wake Soromoni, kuti “mwana” wakapikirhwa waizobva mu dzinza rake.—2 Samueri 7:12, 16; 1 Madzimambo 9:3-5; Isaya 9:6, 7.

Gore ra 29 K.A.

Djehovha anoziisa pamhene kuti Djesu ndiye “mwana” wakapikirhwa waizogara Nhaka ye cigaro ce umambo ca Dhavhidhi.—Agaratiya 3:16; Ruka 1:31-33; 3:21, 22.

Gore ra 33 K.A.

Nyoka, kureya Sathani, yakakuwadza “mwana” wakagondeswa nge kuita kuti Djesu auraiwe. Djehovha anomutsa Djesu kuti ararame kudenga, uye anotendera kukosha ke cibairo co upenyu wake wakakwana, zveciita kuti anhu arekererhwe zvitema uye kuti ana a Adhamu agare no upenyu usikaperi.—Genesi 3:15; Zviito 2:32-36; 1 Akorinti 15:21, 22.

Mukati me Gore ra 1914 K.A.

Djesu anokhandira nyoka, kureya Sathani kubva kudenga kuuya pa nyika kuti ararame ke nguwa doko.—Zvakapangidzwa 12:7-9, 12.

Mune Ramangwana

Djesu anosunga Sathani ke makore 1000 uye anozomutsakatisa, izvona zvinoezaniswa no kudzengenyesa musoro. Cinangwa cokutanga ca Djehovha ku anhu uye ku nyika cicadzadzika, zina rake ricaceneswa, uye matongero ake acabuda pamhene kuti ngee unatsi.—Zvakapangidzwa 20:1-3, 10; 21:3, 4.