Cinyi cinodikana kuti mhuri ipfare?
Munorangarira kuti . . .
i rudo here?
i mare here?
kana kuti pano cimweni?
BHAIBHERI RINOTI
“Anopfara aya anozwa soko ra Mwari eciritondoedza!”—Ruka 11:28, Shanduro ye Nyika Itsva ye Magwaro Matsvene.
NGEI ZVAKANAKA KUZIYA IZVI
Zvicabetsera kugara no rudo re zvirokwazvo.—Aefeso 5:28, 29.
Rureremedzo rukuru.—Aefeso 5:33.
Rucengeteko re zvirokwazvo.—Marko 10:6-9.
TINGATENDA HERE ZVINOBHUYA BHAIBHERI?
Honde, nge shwiro mbiri:
Mwari ndiye Musiki we mhuri. Bhaibheri rinoti “mhuri dzese . . . dzinoona mazina adzo” kuna Djehovha Mwari. (Aefeso 3:14, 15) Nge masoko amweni, mhuri dziriyo ngekuti dzakasikwa ndi Mwari. Ngei zvakanaka kuzia izvi?
Rangarirai kuti: kana imwimwi mukarhya cokurhya cakabikwa zvakanaka mecida kuziya nge zve ciroco, maizobvunzisa ani? Zvirokwazvo, maizobvunzisa munhu uya wakacibika.
Zvimwe-zvimwezvowo, kana mecida kuziya ciro cinoita kuti mhuri ipfare, zvakanaka kubvunzisa Djehovha, Musiki we mhuri.— Genesi 2:18-24.
Mwari anomuchengetai. Mhuri dzinoita zvakanaka kupsvaka mazano a Djehovha, aanopasa eciseenzesa Bhaibheri. Ngei? “Ngekuti iyena anomucengetai.” (1 Pedru 5:6, 7) Djehovha unoda zvakanaka kamuri—mazano ake anoseenza nguwa dzese!—Zvierengo 3:5, 6; Isaya 48:17, 18.
CIMBORANGARIRAI
Mungagara kudini mwamuna, mukadzi kana abereki akanaka?
Bhaibheri rinodaira mubvunzo uu pana AEFESO 5:1, 2 uye AKOROSI 3:18-21.