Kudimurhwa ke Dii roci 12

Djesu aifundisa anhu ngezve Umambo wa Mwari. Iyena akafundisawo kuti tinodikana kunamata kudini. Tinodikana kukumbira kuti zina ra Mwari riceneswe, Umambo wa Mwari uuye uye kuti kuda ka Mwari kuizwe pa nyika. Kana imwimwi muri baba kana kuti mai, panganidzirai mwana wenyu kuti ngei munamato uu wecikosha maningi. Mupanganidzireiwo kuti Djesu nguwa dzese ainga akagondeka kuna Djehovha, kunyazi paaibambidzirhwa ndi Sathani. Djesu akasanangura aphostori ake, uye awona ndiwo akatanga kuita dii ro Umambo. Betserai mwana wenyu kuti aone kuda kaiita Djesu kunamata ke cokwadi. Iyena aida kubetsera anhu. Ndiyo ndaa, iyena aiporesa anorhwara, aipasa zvekurhya aya ainga ano nzara uye aimutsa akafa. Nge zvishamiso izvi, Djesu akapangidza zvicaizwa no Umambo wa Mwari mu nyika yese.