KUSAKURIRA CIDO
FUNDO 9
Usisi
Cokwadi Cisikacinji: “Pfarai no aya anopfara; cemai no aya anocema.”—Aro. 12:15.
Zvakaizwa na Djesu
1. Onai VHIDHIYO, kana kuti erengai Marko 6:30-34. Pedzepo, dairai mibvunzo inoteera:
Ngei Djesu no aphostori ake aida “kumbogara kawo ega”?
Cinyi cakaitisa kuti Djesu afundise anhu akawanda kudaro?
Tinofundei no Muezaniso wa Djesu?
2. Kana tino usisi, tinopangidza kuti tinoda anhu haiwa basi no masoko edu asi no zviya zvatinoita.
Teedzerai Djesu
3. Nyasai kupurutana. Siyai kuti munhu arekete mazwiro ake. Musamupinge paanonga ecireketa, zwisisai mazwiro ake, zviri kumushupha uye zvaasikadi. Kana mukanyasa kumupurutana, izvona zvinoita kuti munhuwo azwisise kuti imwimwi munokoshesa zvaanorangarira.
4. Rangarirai ngezve munhu wapfarira. Mecirangarira ngezve kucedzesana kamakaita, dzibvunzisei kuti:
‘Ngei iyena ecidikana kuzwa masoko akanaka?’
‘Fundo ye Bhaibheri ingamubetsera kudini nyamasi uno uye mune ramangwana?’
5. Bhuyai zviro zvinobetsera. Nokukasika, pangidzai kuti Bhaibheri rinokwanisa kudaira mibvunzo dzake uye rinokwanisa kumubetsera mu upenyu wake.