SENZAI NO SIMBA MU BASA RE KUPARIDZIRA | KUTUNHUDZIRA MUPFARO WEDU MU BASA RE KUPARIDZIRA
Bayai Mwayo
Kuzwira Djehovha kunodikana kubva pasi pe mwoyo. (Zvie 3:1) Ndiyo ndaa, patinofundisa tinodikana kubaya mwoyo ye afundi edu. Tingazviita kudini?
Tinodikana kuita zvimweni pane kufundisa basi cokwadi ce Bhaibheri. Mubetserei kuti ararame maererano no zvaanofunda kuitira kuti agare shamwari ya Djehovha. Mubetserei kuzwisisa kuti mushobo we kurarama watinokumbirhwa na Djehovha unopangidza rudo, unaki uye unatsi wake. Seenzesai zvakanaka mibvunzo kuti muone kuti mufundi wenyu anozwa kudini no zvaari kufunda. Iyena unodikana kuona kuti zvakamunakira kuzwira Djehovha uye kuita cinjo mu upenyu. Kana mukaona kuti mufundi wenyu uri kusakurira rudo muna Djehovha, mupfaro wenyu mu basa re kuparidzira ucatunhudzirika.
ONAI VHIDHIYO YAKAZWI PFADZWAI NGE BASA RE KUITA AFUNDI —GARAI MUPARIDZI ARI NANI—BAYAI MWOYO, PEDZEPO DAIRAI MIBVUNZO INOTEERA:
Ngei Sara wakabvunzisa kuti Djadhe anga aciri kurangarira here zvaainga ambocedza, uye ngei mubvunzo uu wanga wakanaka?
Sara wabetsera kudini Djadhe kuona kuti zvinofundiswa no Bhaibheri nge zve kuita zve pabonde asati awakwa kunopangidza rudo ra Djehovha kuna iyena?
Kana tikabaya mwoyo we mufundi wedu, iyena ucada kugara shamwari ya Djehovha
Sara wabetsera kudini Djadhe kuti azwisise kuti iyena angapangidza kudini kuti anoda Djehovha?