SENZAI NO SIMBA MU BASA RE KUPARIDZIRA | KUTUNHUDZIRA MUPFARO WEDU MU BASA RE KUPARIDZIRA
Betserai Afundi Enyu e Bhaibheri kuti Asiye Maitiro Asikazi Kucena
Anhu ane maitiro akacena ndiwona basi anokwanisa kugara no ushamwari we padhuze na Djehovha. (1Pe 1:14-16) Afundi e Bhaibheri paanosiya maitiro asikazi kucena, anokwanisawo kupfarirhwa ngo e mu mhuri, kugara no uthongo uri nane uye mare.
Panganidzai zvakadjeka tsika dzakanaka dza Djehovha, zvadzakanakira uye mubairo wakhona kana tikadziteedzera. Onai kuti mungabetsera kudini mufundi wenyu we Bhaibheri kuti acinje marangariro no maitiro ake. (Aef 4:22-24) Agondesei kuti no rubetso ra Djehovha, anokwanisa kukunda maitiro awo akashata. (Afi 4:13) Afundisei kuti akumbire rubetso kuna Djehovha paya paanonga ecida kuita zvakashata. Abetserei kuziya zvingakwanisa kuaedza kuti aite zvakashata. Abetserei kutsiya maitiro akashata no mabasa akanaka. Mupfaro mukuru kuona mufundi we Bhaibheri eciita cinjo no rubetso ra Djehovha.
ONAI VHIDHIYO YAKAZWI BETSERAI AFUNDI ENYU E BHAIBHERI KUTI ASIYE MAITIRO ASIKAZI KUCENA, PEDZEPO DAIRAI MIBVUNZO INOTEERA:
Mu vhidhiyo, akuru na Sara apangidza kudini kuti aigonda Djadhe?
Sara wakabetsera kudini Djadhe?
Djadhe wakapsvaka kudini rubetso kuna Djehovha?