Paridzirai Masoko Akanaka Ekuti Nyika Yakanakisisa Yaapadhuze!

Mu Novembro, ticapeta masimba kuti tiparidzire masoko akanaka ekuti nyika ipsva yaapadhuze. (Pis 37:10, 11; Zva 21:3-5) Gadzirirai kuitira kuti mukhorovhere zvakanaka kampanya ii. Kana mukatora upiyonero we rubetso pa mwedzi uu, zvinotenderhwa kuti muparidzire ke nguwa 30 kana 50.

Gadzirirai kuti muerenge matsamba anobhuya nge zve nyika ipsva kune anhu akati wandei. Pamunosanangura matsamba aya, rangarirai nge zviya zvinopfarirhwa no anhu anogara mu ndima menyu. Kana munhu wamucareketa naye akapangidza kuti apfarira, mupasei Murindiri N.° 2 we 2021. Musatore nguwa yakawanda musikamuvhakaciri, uye kana zveciita tangai kufunda naye Bhaibheri meciseenzesa bhurushura rakazwi Pfadzwai ne Upenyu Nokusikaperi!. Zvinopfadza maningi kuparidzirawo amweni nge zve “masoko akanaka e zviro zvakanaka”!—Isa 52:7.

ONAI VHIDHIYO YO NGOMA YAKAZWI NYIKA IPSVA IRI KUUYA, PEDZEPO DAIRAI MIBVUNZO INOTEERA:

• Ngaripi ramangwana rakanakisisa riri kurangaridzwa no kamusikana kabuda pa vhidhiyo?

• Ngazvipi zvicaitika mu nyika ipsva zvamuri kunyanya kurangarira?

• Kunyasa kurangarira nge zve kariro yedu kungatibetsera kudini pa kugadzirira kampanya icaizwa mu Novembro?—Ru 6:45