Madjaha—Bvunzai Abereki Enyu Zviri mu Mwoyo Menyu

Zvinokosha maningi kubvunza abereki enyu zvamunorangarira. Ngei? (Zvie 23:26) Ngekuti Djehovha akaapasa basa re kumucengeta uye kumutungamirira pane zvese. (Pis 127:3, 4) Asi zvingaashuphira kuti amubetsere kana imwimwi musikaabvunzi zviri kumunesa. Pamweni abereki enyu akasongana no matambudziko akaezana no amuri kusongana nawo, uye mungafunda zvakawanda no maeshiperiensiya awo e upenyu. Zvakashata here kudzicengetera zviro zvimweni zvamunorangarira? Haiwa—asi ngwarirai kuti musanyepere abereki enyu.—Zvie 3:32.

Mungacedza kudini no abereki enyu? Edzai kuona nguwa yakamunakira uye yakanakira awona. Kana izvi zvecishupha, mungatara tsamba ku umwe wawo mecireketa nge zve mazwiro enyu. Zvakadini kana ecida kureketa nge zve nyaya yamusikapfariri kucedza nge zvayo? Edzurirai kuti awona anoda kumubetsera. Rangarirai nge zve abereki enyu hinga shamwari yenyu haiwa hinga azondi. Kupeta masimba kamunoita kuti mucedze zviri pamenhe no abereki enyu kucamubetsera ke upenyu wenyu wese—upenyu usikaperi!—Zvie 4:10-12.

ONAI VHIDHIYO YAKAZWI UPENYU WANGU WE UDJAHA—NDINGACEDZA KUDINI NO ABEREKI ANGU? PEDZEPO DAIRAI MIBVUNZO INOTEERA:

• 

  Esther na Partik akaguma pakuziya cinyi nge zvawo?

• 

  Ngazvipi zvamungafunda no muezaniso wa Djesu?

• 

  Abereki enyu akapangidza kudini kuti anomuda?

• 

  Mazano api e Bhaibheri angamubetsera kuti mukwanise kucedza no abereki enyu?