Imwimwi Mungakwanisa Kuita kuti Mhuri Yenyu Ipfare

Djehovha anoda kuti mhuri dzipfare. (Pis 127:3-5; Mp 9:9; 11:9) Ngokudaro, mupfaro wedu unokwanisa kupingaidzwa nge ndaa ye stresi ye mu nyika ino uye zvishaishi zvinoizwa no we mu mhuri. Asi umwe na umwe we mu mhuri unodikana kuitei kuti mu mhuri muoneke mupfaro?

Mwamuna unokudza mukadzi wake. (1Pe 3:7) Iyena unopedza nguwa naye. Iyena aaetseri kuti mukadzi wake aite zviya zvaasikakwanisi kuita asi unopangidza kutenda ngo zviya zvaanomuitira uye zvaanoitira mhuri. (Ako 3:15) Iyena unomupangidzira rudo uye unomusimba.—Zvie 31:28, 31.

Mukadzi unopsvaka mushobo wekubetsera mwamuna wake. (Zvie 31:12) Iyena unodzikanda pasi pake uye unomutsigira. (Ako 3:18) Iyena unoreketa zvakanaka naye uye unoreketa zvakanaka ngezvake.—Zvie 31:26.

Abereki anotora nguwa yekucedza no ana awo. (Dhe 6:6, 7) Awona anobvunza ana awo kuti anoada. (Mt 3:17) Paanoapanga awona anopangidza rudo uye ungwaru.—Aef 6:4.

Ana anokudza uye anoteerera abereki awo. (Zvie 23:22) Awona anobvunza abereki awo zvaanorangarira uye mazwiro awo. Awona anotendera kupangirhwa kaanoizwa no abereki uye anopangidza kuti anoareremedza.—Zvie 19:20.

ONAI VHIDHIYO YAKAZWI PFARAI MU MHURI MENYU, PEDZEPO DAIRAI MUBVUNZO UNOTEERA:

•Umwe na umwe waitei kuti mu mhuri muoneke mupfaro?