KURARAMA KE CIKRISTU
Psvakai Marangariro a Mwari
Tinoda kupfadza Djehovha pa zvese zvatinoita. (Zvie 27:11) Kuti tiite izvona, tinodikana kuita zvisananguro zvinoenderana no mushobo wake we kurangarira, kunyazi pasina mutemo wakadjeka kuti utitungamirire. Cinyi cingatibetsera kuti tiite izvona?
Rumbwai mune urongwa we kufunda Bhaibheri nguwa dzese. Pese patinoerenga Bhaibheri, tinoita hingana tirikupedza nguwa na Djehovha. Tingafunda nge zve mushobo we kurangarira wa Djehovha nge kuona mushobo waakabata ndiwona anhu ake, uye kuongorora miezaniso dze anhu aya akaita zvakanaka uye zvakashata mu madziso ake. Patinonga tecida kuita cisananguro, mwiya mucena unotiedzurira mafundo uye zvokwadi zvinokosha zvatakafunda mu Soko ra Mwari.—Ju 14:26.
Psvakisisai. Pamunonga mecida kuita cisananguro, dzibvunzisei kuti, ‘Mavhersikuro api kana ngano dze Bhaibheri dzingandibetsera kuzwisisa mushobo unozwa Djehovha ngezve nyaya ii?’ Namatai mecikumbira rubetso ra Djehovha, uye seenzesai mafaramenta e kupsvakisisa aripo mu mireketero yenyu kuti amubetserei uye kuseenzesa zvokwadi zvisikacinji zve mu Bhaibheri zvamungaseenzesa panyaya iyona.—Pis 25:4.
ONAI VHIDHIYO YAKAZWI “NGATIGOGOMEI TECISHINGIRIRA”—IRHYAI ZVEKURHYA ZVINO UTHONGO, PEDZEPO DAIRAI MIBVUNZO INOTEERA:
Hanzvadzi ye cidjaha yabuda mu vhidhiyo yakasongana no kubambidzirhwa kupi?
Imwimwi maizoseenzesa kudini mafaramenta e kupsvakisisa kuti amubetserei pamunonga mecibatana no kubambidzirhwa kakadai?
Tingabetsereka kudini patinotora nguwa ye kupsvakisisa uye fundo ye munhu ega pa kuita zvisananguro zvakanaka?—Ahe 5:13, 14