KURARAMA KE CIKRISTU
Dzionei Hinga Mushobo Wamunooniwa na Djehovha
“Djehovha anapfarira anhu ake.” (Pis 149:4) Kunyazi tiri anhu asikazi kukwana iyena anoona mawara edu akanaka uye zviya zvatinokwanisa kuita. Nguwa dzimweni, zvingatishuphira kudziona nge mushobo uri pakati no pakati pacedu. Tingatanga kugara no mazwiro okudzionera pasi nge ndaa ye mushobo watinobathwa ngo amweni. Kana tikakanda ndangariro dzedu pa zvishaishi zvekare, tingatanga kudzibvunzisa kuti Djehovha unotida here kana kuti haiwa. Cinyi cingatibetsera kana tikatanga kugara no mazwiro awona?
Edzurirai kuti Djehovha anoona kudarika zvingaoniwa nge anhu. (1Sa 16:7) Izvona zvinoda kureya kuti iyena anoona kudarika zviya zvatinodziona pacedu. Tinotenda kuti mu Bhaibheri munopangidza mushobo watinooniwa na Djehovha. Tinokwanisa kuona imona tsamba dze Bhaibheri ne ngano dzinopangidza kuti Djehovha anoda anamati ake.
ONAI VHIDHIYO YAKAZWI ITAI KUTI MWOYO WENYU UGARE NO COKWADI, PEDZEPO DAIRAI MIBVUNZO INOTEERA:
Muezaniso we mugogomi na baba ake unotifundisei ngezve mushobo unotiwona Djehovha?
Kana munhu akaita citema cakakura otora matanhu anodiwa kuti agadzirise ukama wake na Djehovha, angateramisa kudini mwoyo wake kuna Mwari?—1Ju 3:19, 20
Hama ii yakabetsereka kudini nge kuerenga uye nge kunyasa kurangarira nge zve zviro zvakaitika kuna Dhavhidhi uye na Djeosafati?