KURARAMA KE CIKRISTU
Awona Anopeta Masimba kuti Atiseenzere
Aonereri e nharaunda no akadzi awo anopangidza rudo rekudzipira ku aya aanoseenzera. Kuita hinga isusu, awona ano zvaanoda pacawo uye nguwa dzimweni anozwa akaremba, akaora mwoyo uye ecinetseka. (Tg 5:17) Hino, masumana ari ese awona anokanda ndangariro dzawo pakubambisa hama no hanzvadzi dze mu ungano yaarikuvhakacira. Aonereri e nharaunda zvezvirokwazvo “anodikana kureremedzwa.”—1Ti 5:17.
Muphostori Pauro paakaita urongwa wekuenda koovhakacira Aroma kuti “apase cipo ce kumwiya” ku ungano iyona, iyena waietsera kuti “awona aizobambisana.” (Aro 1:11, 12) Makamborangarira ngezve mushobo wamungabambisa muonereri we nharaunda no mukadzi wake, kana iyena ano mukadzi?
ONAI VHIDHIYO YAKAZWI KUSEENZA HINGANA MUONERERI WE NHARAUNDA, PEDZEPO DAIRAI MIBVUNZO INOTEERA:
Aonereri e nharaunda no akadzi awo anopangidza kudini rudo re kudzipira ku ungano?
Imwimwi pacenyu makabetsereka kudini nge kupeta masimba kawo?
Isusu tingaabambisa kudini?