Mazano Anotibetsera Pakufunda

Gumirai Upfumi we Kumwiya Wakaringana Ngezva Djehovha

Patinofunda Bhaibheri, tinoseenzesa maferamenta ekukwarakwatisa kuti tinyase kuzwisisa zvatinoerenga. Asi atidi basi kutunhudzira uzii wedu ngezve Bhaibheri. Asi isusu tinoda kugumira upfumi wekumwiya wakaringana ngezve unhu wa Djehovha unotunhudzira rudo redu kaari. Kuti tiite izvona, tingadzibvunzisa kuti: ‘Ndima ii ye Bhaibheri inondifundisei ngezva Djehovha?’

Ngo muezaniso, imwimwi mungagara no rugondo rekuti Djehovha ano mawara anoti, rudo, ungwaru, unatsi uye simba. Asi Djehovha ano mawara akawanda kupinda awona aya uye amweni akhona anotishamisa. Ngakupi kamungagumira masoko akadzara ngezve mawara ake?

Mu Índice das Publicações da Torre de Vigia, imwimwi mungagumira mundandanda we mawara a Djehovha anokwana kuita 50. Awona anogumirhwa pa masoko akazwi “Djehovha” nge pasi pakhona pano musoro unoti “Mundandanda we mawara.” Psvakisisai ngano dze mu Bhaibheri dzinoenderana no zviya zvamuri kuerenga. (Imwimwi mungakwanisa kugumirawo mundandanda umweni mu Bhuku Rinobatsira Zvapupu zvaJehovha Pakutsvakurudza, pa masoko akazwi “Djehovha Mwari” nge pasi pano musoro unoti. “Mawara a Djehovha.”)