Gumirai Upfumi Watinogumira mu Bhaibheri Wamungaseenzesa Zuwa no Zuwa

Patinoerenga Bhaibheri, tingakwanisa kupsvaka upfumi watinogumira mu Bhaibheri nge kukwarakwatisa. Tingafunda kudini zvakawanda pa kukwarakwatisa?

Kwarakwatisai zvakadzika ngezve zviro zvimweni zvinorekethwa mu ngano dze Bhaibheri. Ngo muezaniso, dzibvunzisei kuti ndiani wakatara, waitarira ani, ciitiko ici cakatarhwa rini, ndiupi wainga uri mugariro wakhona, cinyi cainga caitika, cinyi cakazoitika?

Rangarirai ngezve mafundo amungafunda. Nge muezaniso dzibvunzisei kuti: ‘Anhu ari mu ungano ii akazwa kudini? Mawara api aaipangidza? Ngei ndinodikana kuteedzera mawara aya? Maitiro api akashata andinodikana kungwarira?’

Seenzesai mafundo amunofundira mu basa re kuparidzira kana kuti pa mabatire amunoita amweni zuwa no zuwa. Kana imwimwi mukaita izvona, munonga mecipangidza kuti muno ungwaru, hingana zvinorekethwa no Bhaibheri: “Munhu uno ungwaru ucaedzurira ngezve zviro izvi.”—Pis. 107:43.

• Zano: Onai kuti masoko anotinogumira pa dii re Upfumi Unobva mu Soko ra Mwari pa musangano we pakati pe sumana anotibetsera kukanda ndangariro dzedu pa kuseenzesa katingaita zvatinonga tafunda kubva mu Bhaibheri. Pa dii iri panosogara no mibvunzo dzatingadziita, mafundo atinganyasa kurangarira uye mafoto atingafunda ngezvawo.