Nyasai Kukhorovhera Zvakanaka Mifanikiso no Mafoto

Mu mabhuku edu makadzara no mifanikiso yakawanda no mafoto anotifundisa mafundo anokosha maningi. Asi munganyasa kukhorovhera kudini mafoto awona?

• Musati maerenga fundo, onai mafoto. Zvingaita kuti idzona dzingamusiyai no cidaka-daka. Ngo muezaniso, kana “tikaona” cokurhya cinonaka, tinogara no cido cakakura cokuda kurhya. Ngo mushobo umwewo, kutanga kuona mafoto kungatisiya no cidaka-daka cokuda kuerenga. Hino, dzibvunzisei kuti: ‘Cinyi candiri kuona pa mafoto o fundo ino?’—Amosi 7:7, 8.

• Pamunonga mecierenga fundo, edzai kurangaridza kuti ngei mafoto awona akasanangurhwa. Kana zvecioneka, erengai pakazwi kupanganidzwa ke mafoto. Rangarirai kuti mafoto awona akabatana kudini no fundo uye zvamungafunda nawo.

• Mumasure me kuerenga, seenzesai mafoto kuti muedzurire mafundo anokosha e fundo iyona. Pedzepo edzai kuedzurira foto imwe na imwe uye zvamafunda no mafoto awona.

• Zvakadini kuita izvona no Murindiri uwona uu? Onaizve mafoto uye edzurirai zvamafunda.