FUNDO 45
Zvinoreyei Kutama Kugara no Dii Ratinotsigira?
Djesu akabvunza ateeri ake kuti ‘aadikani kuita dii re nyika.’ (Juau 15:19) izvi zvinobatanidza kutama kugara no dii ratinotsigira, kana kuti, kutama kugara no cikwata catinotsigira mune zvematongerhwe e nyika uye mu hondo dze nyika. Asi zve zvirokwazvo, azviripi nyore nguwa dzese kutama kugara no dii ratinotsigira. Pamweni tingashorhwa nge ndaa yazvo. Hino tingakwanisa kudini kurumbwa tisina dii ratinotsigira uye togondeka kuna Djehovha?
1. Akristu anoona kudini utongi we anhu?
Akristu anoreremedza atongi. Hino, tinoita zvakabhuyiwa na Djesu, ndiyo ndaa, ‘tinopasa Sezari zviro zva Sezari.’ Izvi zvinoreya kuti isusu tinozwira mitemo ye nyika, yakadai hingana kuripa musoho. (Marko 12:17) Bhaibheri rinofundisa kuti utongi we anhu uripo ngekuti Djehovha anoutendera. (Aroma 13:1) Ndiyo ndaa, tinozwisisa ubaba we atongi. Asi tinozwisisa kuti ubaba wawo audariki wa Mwari. Tinoziya kuti Mwari uye no Umambo wake, ndiwo basi anokwanisa kugadzirisa matambudziko e anhu.
2. Tingapangidza kudini kuti atina dii ratinotsigira?
Kuita hinga Djesu, isusu atibatanidzwi mune zvematongerhwe e nyika. Anhu paakaona zvishamiso zvakaizwa na Djesu, akaedza kumuita mambo, asi iyena aazi kutendera. (Juau 6:15) Ngei? Zvaakazobhuya zvinotipasa mhinduro yakhona: “Umambo wangu, auti dii re nyika ino.” (Juau 18:36) Ngekuti tiri ateeri a Djesu, tinopangidza kuti atina dii ratinotsigira nge mishobo yakasiyana-siyana. Ngo muezaniso, isusu atiendi ku hondo. (Erengai Mika 4:3.) Kusiya izvona, atizondi kana kutsigira cikwata cipi haco ce zve matongerhwe e nyika kana kuti munhuwo unodzipira kugara mutongi. Isusu tinoreremedza nyika yatinogara, asi atikotamiri bhandera kana kuita zviro zvakaita hingana izvi. (1 Juau 5:21) Ii ndiyona mishobo minganani yatingapangidza nayo kuti takagondeka ku Umambo wa Mwari.
FUNDAI ZVAKAWANDA
Onai kuti ngaipi migariro ye zviro yaizoedza kugara kenyu musina dii ramunotsigira uye mungaita kudini zvisananguro zvinopfadza Djehovha.
3. Akristu e zvirokwazvo aana dii raanotsigira
Djesu no ateeri ake ainga asina dii raaitsigira, uye tinodikana kuteedzera muezaniso wawo. Erengai Aroma 13:1, 5-7 uye 1 Pedru 2:13, 14. Kana mukapedza, ridzai VHIDHIYO Uye cedzai nge zve mibvunzo dzinoteera.
Ngei tinodikana kureremedza utongi we anhu?
Ngaipi mishobo minganani yatingapangidza nayo kuti tinoazwira?
Panoitika hondo, anhu amweni anobhuya kuti aana kaanotsigira anopedzesera aakutsigira matii mairi e hondo. Asi zve zvirokwazvo kutama kugara no dii ramunotsigira zvinoreyei? Erengai Juau 17:16. Uye, ridzai VHIDHIYO pedzepo cedzai nge zve mubvunzo unoteera.
Zvinoreyei kutama kugara no dii ratinotsigira?
Tinodikana kuitei kana anyautongi ecida kuti tiite zviro zvisikaenderani no mutemo wa Mwari? Erengai Zviito 5:28, 29. Kana mukapedza, ridzai VHIDHIYO pedzepo cedzai nge zve mibvunzo dzinoteera.
Ngaupi mutemo watinodikana kuteerera?
Munokwanisa kurangarira migariro ye zviro ingakwanisa kuita kuti mukristu asazwire utongi we anhu here?
4. Garai musina dii ramunotsigira pa marangariro uye pa zviito
Erengai 1 Juau 5:21. Kana mukapedza, ridzai VHIDHIYO pedzepo cedzai nge zve mibvunzo dzinoteera.
Hingana zvataona mu vhidhiyo, ngei Ayenge wakasanangura kusapindira mune zvematongerhwe e nyika kana kureremedza bhandera?
Munorangarira kuti iyena wakaita cisananguro cakanaka here?
Ngaipi migariro imweni ingakwanisa kuedza kusama kedu kugara no dii ratinotsigira? Ridzai VHIDHIYO, pedzepo cedzai nge zve mibvunzo dzinoteera.
Tingakwanisa kudini kurumbwa tisina dii ratinotsigira kana nyika yedu ikarhwisana no nyika imweni?
Tingarumbwa kudini tisina dii ratinotsigira kana e zve matongerhwe e nyika akaita zvisananguro zvinotibata-bata?
Zviro zvatinozwa zvecibhuiwa no anhu amweni uye mu manotisiya zvingakwanisa kudini kubata-bata kusama kedu kugara no dii ratinotsigira?
Migariro ipi ye kuti Akristu anodikana kurumbwa asina dii raanotsigira mukurangarira uye mu zviito?
KANA MUNHU AKAMUBVUNZISA KUTI: “Ngei imwimwi musikareremedzi bhandera kana kuemba hino nasiyonari?”
Maizodaira kudini?
MUCIGWAGWA
Akristu anopeta masimba kuti arumbwe isina dii ranotsigira mundangariro, pakureketa uye mu zviito.
Mibvunzo yekuhwirinzira
Tinoona kudini utongi we anhu?
Ngei tinodikana kugara tisina dii ratinotsigira pane zvematongerhwo e nyika?
Ngaipi migariro ingakwanisa kuedza kusama kedu kugara no dii ratinotsigira?
ZIYAI ZVAKAWANDA
Ngazvipi zvatingakwanisa kupsvetekerhwa nazvo nge kurumbwa kedu tisina dii ratinotsigira mune zvematongerhwo e nyika?
Mhuri ingakwanisa kuitei kuti igadzirire kusongana no muedzo we kugara asina dii raanotsigira mune zvematongerhwo e nyika?
Rumbwai Musina Kamunotsigira Pamunonga Muri Pakadzara nge Anhu (4:25)
Ngei kudziirira nyika yamunogara abasapi rinoita kuti munhu akudzwe?
Onai kuti mungaita kudini kuti mugare musina dii ramunotsigira pamunonga mecipsvaka basa.
“Umwe na Umwe Ucathwara Mutoro Wake” (Murindiri wa 15 ya Marso wa 2006)