Gwitikwiti re Kuziisa Umambo wa Mwari re Mwedzi wa Gumiguru

Djesu akaparidza “masoko akanaka e Umambo wa Mwari.” (Ru 4:43) Iyena wakafundisa anhu kuti anamate ecikumbira kuti Umambo wa Mwari uuye. (Mt 6:9, 10) Pa mwedzi wa Gumiguru kana kuti Novembro, ticaita zviri zvese kuti tiziise nge zve Umambo wa Mwari. (Mt 24:14) Gadzirirai zviro zvenyu kuti mukwanise kunyasa kupfadzwa no gwitikwiti iri. Ese acaseenza hinga mapiyonero e betsero acaona mukana we kuita nguwa 30 kana kuti 50.

Petai masimba kuti muerengere Bhaibheri anhu ajinji nge zve Umambo wa Mwari. Pamunonga mecisanagura tsamba ye Bhaibheri, nyasai kurangarira nge zve magereja e anhu e mundima menyu. Kana akapangidza kuti apfarira, apasei Murindiri N.° 2 we gore ra 2020. Pedzepo, itai zviri zvese kuti mutange fundo nawo meciseenzesa rimwe re mabhuku e mu Bhokisi re Mafaramenta e Kufundisa. Kasara nguwa doko basi kuti Umambo wa Mwari uparadze utongi wese unopesana na Mwari. (Dha 2:44; 1Ako 15:24, 25) Batisisai mukana uu wakanakisisa kuti mupangidze kugondeka kenyu kuna Djehovha no Umambo wake!