Sanangurai Kuseenzera Djehovha

Kana muri arumbwana eciKristu kana kuti mufundi we Bhaibheri, muno cinangwa cokubhabhatidzwa here? Ngei zvakanaka kugara no cinangwa cokubhabhatidzwa? Kudzipira uye kubhabhatidzwa kunopasa mukanaka we kugara no ushamwari we padhuze na Djehovha. (Pis 91:1) Uye kubhabhatidzwa kunopasa mukana we ruponeso. (1Pe 3:21) Ngazvipi zvamunodikana kuita kuti mudzadzise cido ici?

Dzipangidzei imwimwi wene kuti magumira cokwadi. Kana mukagara no mubvunzo, edzai kukwarakwatisa kuti mukwanise kuzwisisa shwiro yakhona. (Aro 12:2) Onai kuti ngadzipi cinjo dzamunodikana kuita muupenyu wenyu, uye itai cinjo dzinosisira kuti mupfadze Djehovha. (Zvie 27:11; Aef 4:23, 24) Namatai kuna Djehovha nguwa dzese mecikumbira rubetso. Edzurirai kuti Djehovha acamupai simba uye rubetso ramunoda eciseenzesa mwiya wake mucena. (1Pe 5:10, 11) Kupeta masimba kamuri kuita kunotendwa maningi. Kuseenzera Djehovha ndiwo upenyu wakanaka kupinda wese!—Pis 16:11.

ONAI VHIDHIYO YAKAZWI ZVAMUNGAITA KUTI MUBHABHATIDZWE, PEDZEPO DAIRAI MIBVUNZO INOTEERA:

• Hama dzimweni dzakasongana no zvinetso zvipi kuti agume pakubhabhatidzwa?

• Ngazvipi zvamunodikana kuita kuti mugare no kutenda kakakura kuti mudzipire kuna Djehovha?

• Cinyi cakabetsera hama dzimweni kuti dzide kubhabhatidzwa?

• Djehovha anokomborera kudini aya anoda kumuseenzera?

• Zvinoreyei kudzipira uye kubhabhatidzwa?