Ndiani zve zvirokwazvo uri kutonga pasi rino?

BHAIBHERI RINOTI

“Nyika yese iri mu simba re akashata.”—1 Juau 5:19.

“Mwana wa Mwari wakaoneka . . . kuti aputse mabasa a Sathani.”—1 Juau 3:8, Shanduro yeNyika Itsva yeMagwaro Matsvene.

NGEI ZVAKANAKA KUZIYA IZVI

Kuona kupanganidzwa kunozwika ke ndaa dze mu nyika.—Zvakapangidzwa 12:12.

Kugara no rugondo rokuti nyika icagara mbuto yakanakisisa. —1 Juau 2:17.

TINGATENDA HERE ZVINOBHUYA BHAIBHERI?

Honde, nge shwiro nhatu:

• Utongi wa Sathani une ma zuwa ewakatemerwa. Djehovha wakashinga kupedza kudzyinyirirhwa ke anhu ndi Sathani. Mwari akapikira “kuparadza Dhiyaburosi,” ogadzirisa zviro zvese zvakashaishwa na Sathani.—Ahebheru 2:14, Shanduro yeNyika Itsva yeMagwaro Matsvene.

• Mwari wakasanangura Djesu Kristu kuti atonge nyika. Djesu wakasiyana kure no uri kutonga zvino nyika ino, Sathani. Mutongi we nyika ino une tsumbi ne undithi. Nokutonga kwa Djesu, Mwari unopikira kuti: “Iyena ucazwira usisi munhu wakaterera no murombo . . . Iyena ucapukunyusa mwiya yawo pakudzyinyirirhwa ne pakuizirhwa zvehasha.”—Pisarema 72:13, 14.

• Mwari aanyepi. Bhaibheri riri pamhene parinoti: “Mwari aabhuyi manyepo.” (Ahebheru 6:18) Djehovha paanopikira kuita ciro cimweni, unoita hingana watodzadzisa! (Isaya 55:10, 11) “Mutongi we nyika ino ucakhandirwa kunza.”—Juau 12:31.